尖沙咀香港文物探知館｜有一日係雪梨B放學翻來問雪梨媽：「媽媽你知唔知邊個地方可以了解香港歷史？」 作為成日同仔仔温書嘅媽媽來講呢個答案太簡單，仲唔係歷史博物館！點知今次雪梨B竟然答我唔係，而係香港文物探知館。估唔到雪梨B比一個我意想不到嘅答案我，於是放假我們就一齊去呢一個香港文物探知館。
香港文物探知館前身
香港文物探知館位於尖沙咀九龍公園內。前身是一個軍營，1970年建成九龍公園後，並於2005年建成文物探知館，用作文物宣傳和教育活動，主要設施包括常設展覽廳、專題展覽廳、演講廳、教育活動室及參考圖書館等。
香港文物探知館展品
探知館內有綠油油嘅庭院，以香港文物保護工作為主題嘅常設展覽廳，同埋定期舉辦藝術展覽和其他活動嘅專題展覽廳。館內參考圖書館，則藏有關於香港歷史、考古、建築學等領域嘅參考資料。
星期日一大早，雪梨B就同媽媽答車前往文物探知館。去到常設展館，嗰度有大量關於古代嘅展品，例如一啲中式建築嘅部件，一啲同古代建築相關嘅文章同資料。
另外仲展出一啲出土嘅陶器。其中雪梨B最感興趣嘅係中國建築區域。當中展出嘅中式牌坊上面嘅字樣同顏色令雪梨B覺得好有新意，粉粉黃黃用色十分有新意。
香港文物探知館 資訊懶人包
難度：
零粒星星 (五粒星星最高)
適合年齡：
所有人士
交通工具：
尖沙咀A1出口向九龍公園位置行5分鐘
附近美食：
柏景餐廳 (尖沙咀廣東道33號皇家太平洋酒店園景翼2樓) 鮮蜆 大蝦 燒美國牛扒 拿破崙蛋糕
Lady Nara (尖沙咀廣東道3-27號海港城港威商場3樓) 香脆雞肉棒配香辣蛋黃醬
附近景點：
九龍公園、中港城、海港城
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【親子好去處】