宿營好去處｜今次放假雪梨家族去咗愛丁堡公爵訓練營，地址在新界大埔林村坑下莆90號，我們參加了不少營地活動。
參加HADO AR實境閃避球比賽之前，導師首先講解比賽需要注意嘅事項。雪梨b負責防，其他隊友負責攻。雪梨b一隊同其他隊伍勢均力敵，難分高下，但慶幸最後都贏咗。
雪梨家族亦參加咗漁夫帽紮染，喺導師嘅幫助下，雪梨家族用橡筋、繩、夾、木條等等嘅工具紮染出獨特嘅圖案。
喺無人機體驗活動中，雪梨b學習基礎理論後，用飛行控制器將無人機起飛、控制飛行方向以及喺空中飛過障礙物。
之後，雪梨家族參加攻防箭活動，除咗射箭之外，佢亦加入野外射擊同埋閃避球嘅元素。設計師特意設計，令箭頭唔會產生實質痛楚，同時保留比箭射中嘅威覺。
雪梨家族亦有玩地壺球，玩法同冰壺相似，喺現場所見，地壺球適合男女老幼參加。
賽馬會愛丁堡訓練營亦提供住宿，有興趣宿營嘅家庭，可以上官網或致電查詢住宿嘅價錢。
賽馬會愛丁堡訓練營資訊懶人包
難度：
兩粒星星 (五粒星星最高)
適合年齡：
6歲或以上人仕(部分活動適合12歲或以上人仕)
交通工具：
‧ 請於元朗乘搭前往大埔方向的64K號巴士，然後在放馬莆站(林村許願樹)下車，再沿林村鄉公所路步行約5分鐘，即可抵達。
‧ 請於元朗阜財街或又新街乘搭前往大埔方向的紅色小巴，然後在放馬莆站(林村許願樹)下車，再沿林村鄉公所路步行約5分鐘，即可抵達。
‧ 請於太和港鐵站A出口或大埔墟港鐵站A3出口乘搭前往元朗方向的64K號巴士，然後在放馬莆站(林村許願樹)下車，再沿林村鄉公所路步行約5分鐘，即可抵達。
‧ 請於大埔普益街或寶鄉街乘搭前往元朗方向的紅色小巴，然後在放馬莆站(林村許願樹)下車，再沿林村鄉公所路步行約5分鐘，即可抵達。
‧ 請於太和港鐵站A出口或懷仁街乘搭前往林村方向的25K號綠色小巴，然後在放馬莆站(林村許願樹)下車，再沿林村鄉公所路步行約5分鐘，即可抵達。
附近美食：
荷華庭園景餐廳(位於林村放馬莆)：芝士焗大蝦配香草番茄醬意粉、卡邦尼意粉、黑松露帶子意粉
香葉灣(位於太和廣場)：星洲炒米粉、泰式肉碎炒飯、馬來炒貴刁
附近景點：
林村許願樹、香港農業大埔林村有機農場、香草農莊
______________________________________
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【親子好去處】