最近天氣唔凍唔熱，最適合就係行山啦！Blogger 山系小達人﹝雞丁暟遊天下﹞ 今次為大家介紹一個位於西貢的親子行山熱點——龍蝦郊遊徑！仲可以離遠眺望綠蛋島，年紀小小的雞丁都表示無難度！
綠蛋島平時大家可能會選擇坐獨木舟去浮潛，天氣涼涼地就教大家一條行山路線遠眺綠蛋島！綠蛋島（Green Egg Island），原來名稱為爛排，是清水灣郊野公園旁的一個無人島嶼，位於大嶺峒東北面海域。島現時沒有正式官方名字。西貢漁民一路流傳下來的名稱為爛排，舊時的非官方地圖也曾經顯示爛排此名字。只是近年有遊人為此島另添名稱為綠蛋島，因見島嶼中央「蛋黃」的部分佈滿綠色植物，形狀似一隻荷包蛋。
而今次的龍蝦郊遊徑位於清水灣半島相思灣以西，背靠大嶺峒，面臨牛尾海。登上大嶺峒觀景台，即可從北至南俯瞰牛尾海、清水灣，還可以遠眺布袋澳、牛尾洲、吊鐘洲、火石洲，以及東南面極目的果洲群島。
龍蝦郊遊徑行山路線：
距離: 6.2 公里
所需時間：1 小時 44 分鐘
乘坐九巴91或小巴16、103、103M於清水灣道「大坳門」站下車後，沿清水灣道步行約二十分鐘至大坑墩入口；在清水灣郊野公園入口(停車場)左邊便有指示牌往龍蝦郊遊徑；初段以上樓梯為主，其後走至平路段；綠蛋島果然好似一粒荷包蛋；其後便緩緩下山，在公廁的左邊接上馬路，剛轉出大路時右方有一條小路可往小石灘；沿馬路走便可返回起點乘車離開。
圖文授權：山系小達人﹝雞丁暟遊天下﹞