大家有無去過綠匯學苑呢？位於大埔的綠匯學苑前身是「舊大埔警署」，於1899年落成，現已被列為法定古蹟。2010年，政府以「活化計劃」將舊大埔警署歷史建築群活化成綠匯學苑以推廣永續生活。園內除了有有趣的展品外，由即日起至2024年5月的逢星期日設有共感自然開放日，除了有透過聽、嗅、視、味、觸五感的體驗活動外，更有在自然中聽繪本故事活動，親子同樂。
Blogger媽媽 3隻黐媽b的生活日常 分享了去 綠匯學苑 共感自然開放日 大樹下聽故事活動，故事姨姨準備咗《香蕉從哪裡來的》，喺故事開始前帶咗各位家長小朋友去睇香蕉樹，可以親眼睇到掛住香蕉嘅樹，仲有香蕉花添！
之後故事姨姨開始講故事，透過故事了解到香蕉嘅生長，原來以前啲香蕉係有核㗎！只係人為栽培成合乎口味嘅無核香蕉，媽媽仲以為香蕉入面啲啡黑點點就係添，咁無種子點種香蕉呢？原來香蕉嘅根會發芽生發棟香蕉樹，所以好多時大香蕉樹隔籬都有棟Bb蕉樹，真係長知識了～
故事姨姨仲送咗條大蕉俾每位聽故事的小朋友！又有得聽故事又有得拎！後來因為天黑晒想落大雨，講故事活動移師咗喺室內，但係因為咁知道綠匯學苑整咗間讀書室！
除咗以後逢星期日會有兩節故時時間，其他開放時間都會開放讀書室，以後又多個同小朋友打書釘嘅地方～仲有以後逢星期日，都係綠匯學苑開放日，會有唔同嘅市集攤檔、手工、藝術等等嘅活動，大家有興趣都可以去行吓～
媽媽表示感謝綠匯學苑，喺城市中俾到一個接近自然嘅空間讓家長和小朋友學習同親近自然，更可以在大樹下聽故事，小朋友都很開心。
綠匯學苑
地址：大埔運頭角里11號
大樹下聽故事 時間：逢星期日11:30/14:30
收費：免費入場、免費活動
預約入場：按此
圖文授權：3隻黐媽b的生活日常