珠海親子遊｜星樂度露營小鎮 2日1夜酒店連樂園門票$900有找

星樂度露營小鎮｜一到周末就頭痛帶小朋友去邊好？不妨參考吓Blogger 檸茶與飯飯的魔衣櫥 帶小朋友去珠海橫琴星樂度露營小鎮玩，園區結合自駕、露營、樂園三位一體，更配備沙坑遺蹟樂園、兒童遊樂園等全年齡段的遊玩設施，一定唔會怕小朋友悶！

珠海橫琴星樂度露營小鎮佔地約28公頃，園區擁有海盜船主題bar、沙坑遺蹟、兒童樂園等全齡段的遊樂設施，全進口、高配置、主題化的遊樂設施，融合高端房車、集裝箱別墅、特色木屋、野奢帳篷、自駕房車營位等多種新奇住宿體驗。而星奇塔無動力樂園佔地約65,000平方米，以奇幻海洋冒險為主題的全齡親子樂園，為遊樂玩法最多、遊戲種類最全的無動力全齡親子樂園。

今次 檸茶與飯飯的魔衣櫥 媽媽係週末小朋友出遊：「800幾蚊兩日一夜，酒店連早餐，包星奇塔門票，室內、室外、戲水區，至少17個遊樂區任你玩！雖然係假日先入去，但園區好大，人流分散曬，所以每個遊戲區都唔會人迫人，好多時可以包場咁玩添！」

當中最搶眼既就係四層樓高既繩網滑梯區！媽媽都忍唔住第一時間衝去玩，上到塔頂原來會有輕微搖晃，爬得上黎嘅小朋友都好勇敢！雖然話四層樓高，但滑梯速度……都真係好好好安全！

唔好以為得小朋友啱玩！好多設施大人都一樣可以一齊玩，裡面仲有個【水晶之塔】，係專為身高150cm以上挑戰既歷奇設施，不過呢個設施就要另外比50蚊人仔！樂園亦都有唔少嘅幼童設施，小型嘅滑梯、韆鞦，連賽車區都有迷你賽車！

大型繩網區旁邊有好刺激既升級氹氹轉！仲有飛索任你玩！

園區中心點有用水同沙做主題既公園！

園區每個區域都相鄰，區與區之間都有好多綠化帶，記得帶蚊怕水！

海底迷宮裡面有唔同既關卡，穿過關卡搵路上頂樓就可以玩旋轉滑梯啦！※120cm或上先可以玩滑梯，如果唔夠高，行完就只能夠係旁邊樓梯落

園區嘅戲水區，裡面更衣室都寬敞乾淨仲有儲物櫃（20～30蚊人仔），不過我哋就揀咗朝早玩完直接返酒店沖涼食早餐，而且朝早無咩人，可以包場咁玩！

圖文授權：檸茶與飯飯的魔衣櫥