深圳親子遊就去得多啦，有無諗過去露營呢？Blogger 趙c9廚房 Chiu’s Kitchen 分享咗一個深圳營地，等大家可以喺大灣區都親親大自然！
今次介紹的營地是雲栖望桐露營地，媽媽表示自己一直好想同小朋友親親大自然去露營，但如果要自己撘營嗰種，又真係攪唔掂，好彩而家有好多酒店式露營地，咁就可以好方便咁體驗露營樂趣呀！
而今次係佢哋一家人第一次露營，揀咗近近嘅“雲栖望桐露營地”，營地都好大，設施好齊全！帳營分幾個大小，有一張雙人床 / 有兩張雙人床，每間房都有冷暖氣，有小鎖提供，亦都有眼罩、 耳塞、牙刷、牙膏、紙杯、樽裝水、浴帽及wifi等等。營地有管家服務 – 如果需要熱水、探熱器、雨傘等⋯⋯可隨時問管家。
設施方面 – 有免費同少量付費活動，免費方面，有：大大草地、攀爬設施、營火晚會、職員不定時帶領小朋友活動遊戲、鞦韆、沙池、小型室內遊樂場、電影放映及扭波波等。而自費的活動就有卡丁車、摸魚、 ktv及小型坦克車等，活動非常豐富！户外小朋友玩意，例如飛碟 / 吹泡泡 / 球類活動等都可以自備。
膳食方面，有早餐、圍爐煮茶、下午茶、燒烤、火鍋、意粉或飯餐等，睇番你訂左啲咩，可以同場地職員提早預訂，當然都可以美團外賣！趙c9一家人揀咗燒烤，份量多，又有水果同飲品，味道都唔錯，加上環境感覺，超級 enjoy！場內有飲品機，有少少野食賣，但美團可以解決一切，好多野都送到！
廁所，沖涼位置都乾淨，提提大家廁所 + 沖涼位置係共用的，冷熱水充足，好舒服！記得帶備拖鞋 / 涼鞋，方便去廁所 / 沖涼。
衛生情況方面，蛇蟲鼠蟻見唔到，蚊有既，但無咬到，營地都會派花露水。整個體驗真心唔錯，俾小朋友咁樣 staycation下，親親大自然既感覺好舒服，聽到雀叫、睇到日光、天氣好夜晚仲睇到星星！
地址 : 深圳羅湖區東湖街道梧桐山社區赤水洞村16-2號101室
圖文授權：趙c9廚房 Chiu’s Kitchen