今次My Little Wan Pig媽媽分享一間一次過體驗到泰國加韓國之旅的深圳酒店！My Little Wan Pig媽媽表示，酒店位於深圳，最近的關口係蓮塘口岸，蓮塘口岸過關超快，如果唔坐交通工具就可以自駕或者call車過來！
今次介紹的酒店「白房子度假酒店」 望住個大海，房內面朝大海襯托超大的浴池，景觀一流，泡池的時候可以欣賞著超美的海景！浴池十分大可以容納到一個三口，酒店還非常貼心贈送一次性泡澡袋，見到咁靚景觀既浴池真係太吸引，除左浸浴亦有企缸可以淋浴。另外，房間有投影器可以睇電影。
而今次入住的泡池房外還有一個小庭院，早晚都好好風好清涼，仲可以影相打卡。房價由$400起性價比超高，而泡池房只係$1000就可以入住到，酒店每一個角落都適合打卡，過嚟深圳嘆返一晚都係唔錯的選擇。
樓下出門就係沙灘，酒店二樓就是泰國餐廳，餐廳一樣面朝大海，早餐形式係半自助早餐，主菜係東南亞口味泰式河粉，超好食！推薦！另外，喺酒店附近有一個比較少人知道的景點——韓國釜山同款膠囊小火車，影相打卡超靚！
白房子度假酒店
- 深圳南澳街道水頭沙社區鑫海度假村A橦B5單元1109，龍崗區深圳
圖文授權：My Little Wan Pig