冬天，梗係要玩雪啦！唔使去北海道，近近地去轉深圳都可以滑雪！今次Blogger MuiGs 媽媽介紹大家一個位於寶安區的雪場——海昌·樂漫冰雪王國，雖然細細地，但地點方便，仲好夠玩！
由於一般去的雪場都比較大，所以一入去嘅感覺就係 “咦？就係咁咋？”不過因為佢地點方便，商場有好多其他嘢玩同埋食，同埋每一節其實都係 1.5hrs~所以其實都好夠玩嘅。
冰滑梯有兩條長，一條短。媽媽親身試過，係勁快同埋好似激，真係有啲驚。應該小朋友玩會好啲，家姐就玩咗N次 。另外仲有小火車同埋旋轉木馬，應該比較啱細啲嘅小朋友。仲有一個坐水泡拉住你轉來轉去，呢個兩姊妹覺得好好玩，玩咗勁多次。
除咗設施之外，其實兩姊妹最鍾意就係玩雪。如果乜嘢都冇，淨係掉雪球同埋堆雪人，其實佢哋都可以玩個半鐘啦 。
今次媽媽喺KKday買飛，最抵$238 兩位，喺櫃檯度即場買飛，即刻收到QR code好方便 。如果唔係Trip.com或者Klook 都有。因為有分唔同入場時間，媽媽認為去到先至買飛好啲，彈性多啲。
海昌·樂漫冰雪王國（海雅繽紛城店）
深圳市寶安區新安湖社區建安一路99號海雅廣場4層L430號商鋪
住宿方面，媽媽表示去過咁多次深圳，覺得揀酒店最緊要係夠新淨。之前就算住過大牌子，如果唔夠新都真係麻麻地。今次佢哋就揀咗2024年開幕嘅Le Méridien~ 艾美酒店。因為新開，所以真係好新淨。設計都好Modern。最正係個大浴缸，仲可以拉開洗手間個窗，浸住浴缸睇電視 。
酒店範圍係冇商場，但係佢位於寶安區，所以接駁的士或者call車都好快去到商場。而且寶安區又方便，好多大型商場都好多嘢行同玩（例如壹方城，大仟里，海雅繽紛城 etc）
不過自助早餐就覺得一般，選擇唔多而且食物都一般，唔加早餐都可以。不過就咁，因為酒店範圍冇其他餐廳，如果唔加嘅話就可能要買定早餐或者叫美團。
Le Méridien Shenzhen Bao’an
地址：新安街道海濱社區興業路1159號