早前 Blogger Lazy Li’s｜你是•李氏 趁住長假期同小朋友去咗深圳一間好出名、又正爆嘅親子酒店－－深圳觀瀾湖硬石酒店，酒店平台推出的「深圳硬石酒店住宿套餐」 真係啱晒一家大細去玩，套餐包括2大2小嘅五星親子酒店住宿一晚、自助晚餐、自助早餐同親子烘焙活動，人均都只係$7xx，非常豐富！
酒店房間
先講酒店房間，一入去好驚喜！大灣區嘅酒店真係大得驚人，一入去見到一張大大嘅雙人床，房間面向住觀瀾湖嘅景觀，加上五星酒店嘅質素，夠晒乾淨，啱晒小朋友，仲有個大大嘅圓形浴缸 ，小朋友即刻好興奮，嗱嗱聲幫手清潔浴缸，就喺呢個浴缸「游返兩圈」，好正嘅享受！
酒店高層貴賓室
由於酒店好方便，一家人喺香港搭地鐵去到落馬洲過關，然後WeChat滴滴出行，唔使半個鐘就到觀瀾湖硬石酒店，早咗check-in，大堂安排棉花糖機同扭波波俾小朋友，好Baby Friendly。 媽媽本身諗住放低行李去對面商場搵食，但竟然有得upgrade上貴賓室休息吓，貴賓室喺酒店嘅高層，可以睇到成個觀瀾湖嘅景觀，期間有下午茶、Cocktail 任食任飲，囝囝周圍跑，貴賓室嘅服務員陪佢玩得好開心！
酒店自助餐
呢個酒店套餐包咗早及晚兩餐自助餐，當日喺貴賓室任飲任食完，六點左右就落餐廳食自助晚餐，餐廳好大，有好多嘢食揀，仲有Live Band！呢度自助餐特別之處係紅、白同啤酒任飲，仲有大量汽水果汁俾大家揀！食物方面，媽媽覺得比較特別嘅係有即燒焗生蠔 、牛扒同刀切牛肉，好嫩滑！另外仲有大量水果同甜品，估唔到食物種類同質素可以咁高，而自助早餐種類亦都好多，真係好值得大家一試！
兒童烘焙活動
除咗房內大大個嘅圓形浴缸俾小朋友嬉水暢泳之外，呢個package仲包咗一個兒童烘焙活動，可以一家大細一齊整好好味嘅曲奇！所以今次嘅親子行程好豐富，好滿足！
酒店兒童玩樂設施
觀瀾湖新城MH MALL
酒店對面有MH Mall，入面都有大量親子、兒童玩樂設施，仲有VR遊戲設施俾大人玩，價錢仲好優惠添，我哋就玩咗好多次VR過山車，全身360度轉來轉去，場邊仲有好多香港朋友陪你一齊大叫，好過癮，平靚正！
深圳硬石酒店
- 交通：可以乘搭港鐵東鐵綫至落馬洲站或於高鐵西九龍站乘搭高鐵至深圳北站，再轉乘深圳地鐵4號線至觀瀾湖站，再於D出口離開，步行5分鐘即可到達酒店。
圖文授權：Lazy Li’s｜你是•李氏