深圳、珠海就去得多啦！有無諗過原來河源市都好啱親子遊呢? Blogger My Little Wan Pig 分享了位於河源的一間被譽為廣東峇里島的溫泉小鎮，相當有節日氣氛，而且仲有好多啱小朋友玩嘅設施，想輕鬆玩兩日一夜就啱晒啦！
媽媽表示第一次帶小朋友浸溫泉，綜合哂所有評論後揀咗溫泉渡假區春沐源小鎮，網上預訂套票包括：
山谷溫泉無限浸、龍骨樂園（小朋友放電好去處）、遊湖、皮划艇體驗、室內兒童樂園及小鎮煙花匯演，活動非常豐富！
媽媽大讚山谷溫泉有好多個池，浸完個人當晚好快入睡同皮膚都滑左好多，而且打卡仲一流！而且浸緊溫泉期間仲可以一路欣賞小鎮煙花匯演，好chill，臨近新年氣氛更好！
套票包括的龍骨樂園係小朋友放電好去處，而室內兒童樂園就比較適合年齡較小小朋友。遊湖就超適合家中老幼！
河源市一啲都唔遠，香港坐高鐵上去超方便一小時左右到達，兩日一夜過得好快，小朋友又想留多晚，所以媽媽建議新年假期去住兩晚時間會充裕好多，而平時星期六日去都抵住而且上去又方便，房價$1000頭已經包咗好多遊樂設施，真心抵住。
河源春沐源小鎮.棕櫚樹酒店
- 交通：高鐵到達河源東站後建議自駕或叫車前往，約半小時到達小鎮
圖文授權：My Little Wan Pig