BB初到貴境，爸媽既興奮雀躍又忙亂慌張，究竟照顧BB要從何入手？簡單至 抱起BB的手勢，再進而給他餵奶、換片、沖涼…，看似「手板眼見」功夫，但當中的竅門必須拿 捏準確，才能妥貼照顧好BB！家長育兒過程中再倒瀉籮蟹，也不能全部假手於人，看看社工給 新手爸媽湊B秘笈，或能減輕育兒艱辛。
一齊睇睇慈慧幼苗教育主任(資深註冊社工)李淑輝姑娘 (Jody) 提供的分享！
一想起照顧BB，爸媽們實在有不少難忘的回憶！
「嘩！你都得咯！反轉咗條尿片啦！長長厚厚嗰面喺底架！」
「喂，話明肛探！支針係插後面Pat Pat，你邊度咁有創意，插喺前面小便嗰度㗎？」
「阿B沖完涼換衫，你逐件衫咁同佢著？著到天光咯！手仔都俾你屈到變形金剛咁！」
「你漏抹乾臍帶嗰位啦！唔係就咁抹乾嗰身就算，臍帶嗰度濕𣲷𣲷，唔發霉，都吽菇仔啦！」
新手父母照料BB的片段，真是笑話多籮籮，不能盡錄！
________________________
若曾沾手照料過BB，你就會明白當中的蝦碌位！BB初到貴境，爸媽既興奮雀躍，又忙亂慌張，究竟照顧BB要從何入手？軟軟的一團小棉花，簡單至抱起BB的手勢，再進而給他餵奶、換片、沖涼…，看似「手板眼見」功夫，但當中的竅門必須拿捏準確，才能妥貼照顧好BB，甚至可以避免意外發生！
1) 積極學習具體照顧BB技巧
就算現時有陪月、外傭、長輩…代為照料BB，新手爸媽也絕不能完全假手於人！一旦陪月夠期完約、外傭放假、長輩要Me Time抖氣，BB始終要回歸到父母雙手！若不早日學習照顧技巧，屆時BB的降臨，便會殺個新手爸媽措手不及，「倒瀉籮蟹」的情況真是可以預見到！
2) 及早建立親子關係
縱使照顧BB過程中，新手爸媽會出現數不清的蝦碌鏡頭，但照料中的體貼和樂趣，真是只有BB和新手爸媽親身才能體會到，外人是難以理解的。這種寶貴經驗，就是良好親子關係建立的雛型和基礎！而且，照顧BB過程中的開心記憶，新手爸媽會永世難忘的！
3) 夫婦同心完成重大人生項目
若說結婚是夫婦首個共同處理的人生大事，相信BB的降臨，正正是緊接著而來的第二單大項目！夫婦胼手胝足合力照顧BB，非一面倒的將責任全投放在一人身上。彼此的合作過程需要磨合，亦可能出現許多甩漏位，只要齊心，互相提醒、打氣，萬難定能跨過，夫婦感情會更上一層樓呢！
由慈慧幼苗親子學堂 教育主任(資深註冊社工)李淑輝姑娘 (Jody)提供
© 2022 Healthy Seed
想知更多教養資訊，請按【親子教養】