夏日防蚊須知 —— 夏天一到，蚊蟲🦟開始肆虐，氣候悶熱🥵潮濕💦環境最適合蚊子繁殖，無論是在室內或戶外都應有防蚊意識，尤其戶外地方就更加要小心蚊蟲。
於戶外活動時體溫會隨之上升，更吸引蚊蟲，加上蚊蟲特別喜歡出沒於早上或傍晚時分，所以盡量避免呢段時間戶外活動。
由於小朋友🧒🏻👦🏻皮膚較為脆弱，而且難忍痕癢，無法控制抓癢，因此有效嘅防蚊措施可減少小朋友被蚊叮蟲咬👇🏻
* 替小朋友穿着淺色薄身長䄂衫褲
* 戴上防蚊手帶
* 貼上驅蚊貼於衣服上近身體外露位置
* 每隔2-3小時補擦防蚊膏或噴蚊怕水一次
* 中藥驅蚊包掛在兒童背囊
* 帶備止痕膏、蘆薈凝膠或冰粒作舒緩痕癢不時之需
為孩子選擇驅蚊產品要留意成份
蚊怕水、驅蚊膏、防蚊手帶，以防蚊驅蚊為主的產品，由於直接塗於皮膚上，因此選購時必須特別留意成份，如DEET是最有效防蚊，但由於氣味較濃烈，慎防過量使用於小朋友皮膚上。市面部份兒童驅蚊防蚊用品更有為皮膚敏感或蠶豆症患者而設，大家買之前記得睇清楚成份是否適合自己小朋友，因為大囝係蠶豆症患者所以為他選擇驅蚊產品就份外小心， 一些有薄荷腦、樟腦等成份嘅驅蚊產品，並不適用於蠶豆症患者。
古法驅蚊包分享
記得兒時夏天到外婆家過夜，晚上外婆點蚊香來驅蚊，但我很怕那種煙燻氣味，外婆就改用中藥驅蚊包掛在我床邊，長大成為媽媽後我就跟外婆方法自製驅蚊包，做法簡單，到有出售中藥嘅藥房購買這八種藥材：石菖蒲、艾草、白芷、蘇葉、薄荷、丁香、藿香和金銀花，每種各10克(可隨意更改分量以配合製造不同大小包)，將所有藥材放入煲魚袋或棉布袋索上繩綁好就可以，掛在兒童背囊或掛在窗邊，由於蚊蟲討厭這些強烈中藥氣味，所以有效防止蚊蟲飛入屋。如果放久了氣味變淡，可以將藥包曬曬太陽就可以繼續用，要特別留意如有蠶豆症患者或孕婦是否適合聞這些藥材味！
——————
Sea Sea Mama —— 兩子之母，喜愛分享自己有笑有淚、有血有汗嘅「湊仔經」同「煮婦經」，交流生活點滴，講生活、講健康、講養生。
想知更多熱話，請按【城中熱話】