每年9月第一個星期五是「國際媽媽偷懶日」（National Lazy Mom’s Day），亦即是說2024的「國際媽媽偷懶日」是 9 月 6 日，開學第一個星期，媽媽偷唔偷到時間偷懶呢？正面啲諗，漫長的暑假過後，媽媽起碼有幾個鐘唞唞！
許多人都說，媽媽這份工作既要打理家頭細務，又要照顧小朋友，加上 7 x 24 全年無休不停付出，媽媽實在須要提醒自己定期放鬆一下，而在職媽媽，日間返工，夜晚check功課溫書，辛苦程度亦不相伯仲。
因此，來到一年一度的「國際媽媽偷懶日」，就係時候畀媽媽放過靚假，放鬆一下心情。作為神隊友，當然要幫手分擔家務或照顧子女，好讓媽媽可以休息一下，就是「國際媽媽偷懶日」的最佳慶祝方法了！
至於在職媽媽，估計家務向來由工人姐姐包辦，子女根本不需要分擔家務，倒不如請日假，送完仔女返學，之後約朋友食一餐、做facial、或MeTime到cafe放空，總之畀自己 chill 吓，也是不錯的「偷懶」方法！
圖片來源：《蠟筆小新》 及 《我們這一家》影片截圖