很多人在計劃親子旅行時，都會考慮登上郵輪，價錢不算太貴，而且郵輪上的親子設施應有盡有，非常適合一家大細齊齊玩。Blogger「男神媽媽生活誌」在剛過去的暑假一共登上 名勝世界壹號 郵輪2次，並分享了房間Upgrade攻略，爸爸媽媽可以參考一下！
「男神媽媽」先介紹了 名勝世界壹號 的房間，郵輪最基本是內倉房（無窗）、海景房（大多數是兩張單人床）、露台房（一張大床+梳化床）及皇宮套房。
「介紹吓我哋住嘅露台房，洗手間與淋浴間係分開嘅，房內有衣櫃、保險箱、雪櫃、熱水煲、兩支免費礦泉水、咖啡及茶包、二合一沖涼洗頭液（質素普通，建議大家自備）、牙刷等等，如需拖鞋可以打電話，要求送到房間。」
「一個房間最多4人入住，梳化床可以叫House Keeping幫忙打開及鋪床，開咗梳化床後與大床相連，變成Super King Size Bed！露台有兩張椅及小茶几，閒時出去吹吓海風聽吓海浪聲，十分寫意！」
名勝世界壹號 Upgrade房間攻略（付差價）
在訂房時揀選最平的房型（內倉房/海景房），到達碼頭後會有船公司職員手持「升級房間」牌，可以上前向職員查詢升級房所需補回的差價。補差價的價錢比訂房時直接訂平幾千元！而另一種方法，就是在上船後第一時間到7樓接待處排隊升級房間。
價錢參考：
4日3夜
由內倉房（1人入住）升露台房：補HK$1000左右。
由海景房升露台房 （2位入住）：補HK$900。
由海景房升露台房（3位入住）：補HK$1100左右。
入住晚數、人數、房種不同，價錢亦會不同，價格以當日船公司公布為準。
留意：如果旺季，郵輪客滿就不能升級露台房！
「男神媽媽」暑假去的3日2夜之旅，就剛好客滿，只餘下「豪華皇宮套房」，以4位住一間房計算，差價為HK$6800：「皇宮套房包嘅嘢都好吸引，例如有私人管家、包食付費餐廳、可優先上船及登岸、睇show會預留靚位、船上上網免費等等。」
圖文獲「男神媽媽生活誌」授權轉載