會所式醫學美容品牌Vegas360創辦人黃雅麗（Karen），一生與「美」結下不解緣，Karen 憑著不懈拼勁，一手建立起自己的連鎖醫學美容品牌，女兒更參選港姐，奠定家庭與美的深刻關係。
回顧前半生，Karen卻覺得，一切都是為了生活。Karen指母親生她的時候才十八歲，肝癌過身時只有三十來四十歲。喪親悲痛一直縈繞Karen心頭，直至十年前信主後才在信仰中釋懷。
十七歲的Karen帶著弟弟，一心想著攢錢養家。Karen一心希望從事與美麗有關的行業，其時整容與美容均非常流行。她思忖良久，覺得以自己的當時的能力，美容比較能發揮所長，是以把心一橫，花了幾千元報讀了美容課程。畢業後，立即著手去找美容院的工作。她自言，第一次見工的經歷，非常難忘。
「第一份工，喺沙田市中心嗰度見，係一間細美容院仔，見完之後，嗰刻就覺得好委屈。因為通常呢行好講求經驗同客底，但我啱啱出嚟做，兩樣都冇。我老實講晒我個情況出嚟，感覺（店方）嗰個女仔好似好睇我唔起……或者嗰陣時自己冇自信啦，以為人哋睇唔起自己。行出個門口，就自己哇一聲係咁喊喊喊，兩行眼淚係咁流。」
因為當下覺得屈辱，Karen誓言，他日自己的美容院一定要比它規模更大，定下了日後的發展目標。
後來見另一份工，鑒於前次的經驗，Karen主動提出不收人工，店主覺得她做得好才出糧，得以擠身美容行業。返工時，Karen亦主動提出派傳單，從中摸索人性與不同人士的偏好，慢慢累積著成為一流企業家的養份。
文：潘以安
想看各界專家分享育兒貼士，請按【親子教養】