担水坑村，又名上担水坑，位於沙頭角嘅一個地方，喺担水坑隨處都可以見到嘅係一啲禁區嘅牌，呢度係我哋能夠去到其中一個香港最北嘅地方(更北部的地方需要通行證)。
今次雪梨媽就為咗同雪梨B去吓一啲特別嘅地方，就來左担水村呢個地方。佢除咗係香港嘅邊界之外，仲保留咗一啲有歷史、文化價值嘅建築物。
星期六一清早雪梨媽同雪梨B就搭車到担水坑去睇下大自然風景，嗰日天氣好好，藍天白雲，一落車即刻見到邊境，在欄杆嘅後面就已經係深圳。
在草叢裏面就見到好大隻嘅蜻蜓，雪梨B即刻衝過去影相，你地睇下隻蜻蜓幾得意！
除咗大自然之外，担水坑村仲有一個特色嘅建築物，群雅學校。群雅學校前稱泮林書室係沙頭角嘅村校，有新和舊兩幢建築物，不過全部都已經廢置。學校在1930年由村民募捐建成，於日軍佔領時期曾經停課，最高峯時群雅學校有400多名學生，不過隨着學生人數遞減，學校已經荒廢。隔着玻璃望入去，課室空蕩蕩的，只留有一個洗手盆同水龍頭。望住群雅學校嘅雪梨B話如果係裡面讀書一定會好有趣。
————————————————————
雪梨媽 Facebook : 雪梨家族吃喝玩樂Fun
更多相片可到 MameShare Facebook 瀏覽
————————————————————
附近景點:
溫氏宗祠、沙頭角農莊、禾田喜山種植園
交通:
78K巴士、55K小巴
附近美食:
益民茶樓(上水沙頭角吉澳大街): 客家炆豬肉，麻辣口水雞，招牌墨魚丸
松記士多-海鮮及私房菜 (粉嶺沙頭角谷埔村): 客家醋鴨、豬肉砵、豉油王吊筒
福利茶室(粉嶺沙頭角三椏村1號): 墨魚丸、炆豬肉、釀豆腐
想知更多好去處，請按【親子好去處】