Blogger My Little Wan Pig 今次就分享一間珠海親子住宿——珠海海洋密碼美宿！媽媽表示呢間民宿之前一直都有睇過覺得好靚，囝囝一向都好鍾意企鵝，而且間房仲有滑梯，趁住3日假期就同佢訂兩晚過黎住！
第一晚就住左「冰雪城堡房間」，冰雪幻夢王國房間，實物同圖片如出一轍，每個少女都一定好鍾意的房間，一個夢寐以求的房間，之前睇圖片都覺得靚得好誇張，而家終於見到實物感覺都係一樣覺得好靚，入左黎就好似置身系童話世界中，房間都幾大，有一個大大嘅浴缸，房間設有投影，我地訂既呢個房房間有木馬，另外有一隻冰雪城堡房間係有帳蓬既，坐上左木馬就好似係童話世界中，兩張圓床就係城堡之中，瞓醒就可以sir滑梯落黎好爽，房間個感覺就係好夢幻！
第二晚就住「企鵝物語滑梯套房」，房間一樣都係好靚，企鵝房間都有一條好長嘅滑梯，滑梯係比圖片中睇到既更長而且都好滑好好玩，小朋友入住期間不斷玩，房間有三張床一張雙人床同兩張單人床，好貼心既設計就係有小朋友洗手盆，仲有提供好齊全嘅小朋友用品。
入住期間會送十個幣夾公仔，酒店周邊都有酒樓同有部分餐廳，距離親子遊最多人去既長隆海洋王國好近，喺港珠澳大橋過黎都好方便好快，而且有提供專車接送呢！
珠海海洋密碼美宿（橫琴口岸店）
地址：寶峯路奧園觀山海商務廣場3棟一樓
圖文授權：My Little Wan Pig