Blogger 柔美媽&小善の美麗日記 就分享咗早前喺深圳一間呢間獨立別墅酒店：深圳藍楹灣渡假酒店，可以獨佔整個私人大泳池，好有度假感覺！
深圳藍楹灣渡假酒店位於華橋城歡樂海岸，好近歡樂海岸購物中心，坐地鐵的話可以喺深圳灣公園站落車，大約步行10 分鐘到達酒店！
全酒店只有 24 間獨立別墅，話明別墅，每間房都有私人泳池和花園！一入到房，空間感好大，完全無擠迫感，好似去咗東南亞Villa咁，房間仲有一張圓餐桌，夜晚可以買嘢返嚟食都無問題。
訂得呢間酒店，主要都俾私人泳池吸引！一打開窗就可以跳落泳池，仲要係大個私人泳池，簡單係度假級享受！客廳窗前有張大梳化，小善游完水，就坐在沙發放空，仲可以做網紅打卡！
另外浴室和洗手間方面，浴室還設有浴缸，雙洗手盆設計，非常方便。
房間雖然有廚房，但要住一個月以上先會提供煮食用具，建議大家去附近嘅歡樂海岸購物中心食晚餐啦！有好多出名餐廳，包括：西貝莜面村、潤園四季等，一定有你鍾意嘅嘢！
藍楹灣度假酒店
- 地址：濱海大道2018號
- 交通：地鐵深圳灣公園站， E 出口大約步行 10 分鐘到達。
圖文授權：柔美媽&小善の美麗日記