相信唔少家長都會趁假期帶小朋友去深圳親子遊，但多數都以室內為主，深圳最大兒童公園——龍崗兒童公園你哋又去過未呢？Blogger 花師奶Maple 小暴走Micah 趁住假期帶咗小朋友去龍崗兒童公園玩，呢個公園喺2023年12月28日先至開幕，佔地面積約32萬平方米，又大又新，仲有好多嘢玩！公園免費入場，包含多個無動力公園設施，同時提供收費的機動遊戲項目，當中包括深圳海拔最高的星空摩天輪同埋亞洲容量最大的海盜船，所以想玩刺激啲嘅就要自費啦！
先介紹一下公園設施，公園依山而建，分為動力遊玩區、無動力遊玩區、商業休閒區三大板塊，設有各種遊樂設施，一共有 20 套動力設備，以及10大無動力主題遊戲設備。
無動力遊玩區
無動力遊玩區是免費的，包括咗密語魔卷、魔力水圈同精靈森林等，讓大人小孩盡情玩耍。
動力遊玩區
動力遊玩區則是每項收費，園內一共有20個項目要收費，如海盜船和星空摩天輪等等，相對比較緊張刺激。媽媽特別推介必玩項目有深圳海拔最高的星空摩天輪同埋亞洲容量最大的海盜船，另外每周將有兩小時公益免費遊玩時段，大家可以關注「星高度魔法村」公眾號獲取具體信息。
龍崗兒童公園
- 地址與交通：位於深圳市龍崗區鹽龍大道與愛心路交匯處北側，地鐵16號線愉園站C口/回龍埔D口步行10分鐘，公交專線和自駕方式可達。
- 開放時間：公園整體開放為6:00-23:00，動力區營業時間為9:00-22:00
圖文授權：花師奶Maple 小暴走Micah