早前Blogger有了Curtis 我們的世界變得不一樣一家人去咗珠海長隆度假，嚟個小旅行！今次重點推介珠海長隆宇宙飛船、酒店同水手自助餐廳！
長隆宇宙飛船今年9月開幕，係全球最大室內樂園 共有兩層，第一層分別有①雨林劇場、②星際劇場及③珊瑚長老動雕秀；第二層就要去百慕大歷險！喺5D影院同船長一齊穿梭大海之中，好似親身感受海浪翻湧嘅刺激感！梗係要去埋探索大學堂，去睇可愛嘅虎鯨大家族啦！
Curtis一入到去樂園，就被第一個主題區 – 宇宙世界深深吸引喇！巨型宇宙飛船，配合迫真嘅動畫，好似置身浩瀚嘅宇宙，同造型可愛嘅外星人來一趟星際探索之旅，欣賞夢幻嘅宇宙奇觀，園內共有15個主題區，真係行到腳軟都未行得曬！
另外宇宙飛船入面展示超過10萬條各類珍稀海洋生物，數量之多、規模之大， 仲刷新多項世界紀錄添 當中一定要去鯨豚宇宙區域，呢度除咗可以搵到虎鯨家族嘅蹤影（即系殺人鯨），仲以多媒體展示嘅互動形式，讓大家了解鯨豚對海洋生態、甚至全球氣候嘅重要性，我都藉住呢個機會教育Curtis要好好保護環境、保護海洋動物！
長隆宇宙飛船酒店
介紹完長隆宇宙飛船，就要介紹埋珠海長隆宇宙飛船酒店！酒店喺正宇宙飛船隔離，行路就到，玩完一日，就可以衝返入靚靚嘅主題房，小朋友自得其樂，爸爸媽媽就可以抖吓喇！Curtis一入到間房，不停話好靚呀～好靚呀～超級鍾意呀，仲出世以嚟第一次要求自己瞓，佢話張潛艇床太靚喇，想自己瞓都唔同爸爸瞓！
而飛船酒店大堂嘅巨型潛水艇超級靚呀！色彩繽紛一真係啱晒一家大細喺度打卡影吓相一除咗大堂嘅潛水艇，頂樓無邊際泳池、珊瑚餐廳、飛船廣場LED燈光show，都好值得去參觀，同埋影相留下一家人旅行嘅美好回憶 特別推薦大家去珊瑚餐廳吃飯，呢度有世界最大嘅活珊瑚展覽，超級震撼！酒店內仲有不同嘅沉浸式樂享科技互動體驗，包括潛行太空艇、銀沙拾海、飛機模擬艙，飛船廣場等，讓小朋友邊玩邊學邊探索！
晚上，一家人去咗水手自助餐廳食Buffet，呢度以水手航海為主題，可以一邊體驗水手航海風情，一邊品嚐異域美食，熱情友善嘅服務員都着晒水手服，加上東南亞特色嘅裝飾風格，充滿異國風情，食物種類選擇多，刺身非常新鮮，有即煮海鮮粥，又可以打邊爐，就連大閘蟹都有得食，真係食到捧住個肚走啊！
圖文授權：有了Curtis 我們的世界變得不一樣