嚟緊有計劃帶小朋友去澳門一日遊的媽媽留意啦！今次Blogger My Little Wan Pig 推介大家兩個澳門免費親子好去處，分別係觀音像海濱休憩區及永利皇宮纜車，小朋友玩得開心，又可以滿足大人的打卡欲，即睇以下簡介！
觀音像海濱休憩區內有好多大型遊玩設施，超多小朋友玩意，包括滑梯、鞦韆、小彈床，攀爬設施一般等等都有，最吸引係有兒童碰碰車玩，而且仲係免費，排隊就玩到啦！小朋友見到就飛奔過去，夜晚去到人不多，無預約都排一陣就可以入去玩，玩完一round再排下一round，一round大約5分鐘，一位成人可以陪小朋友玩，大啲嘅小朋友自己玩，碰碰撞撞好刺激！
交通 ：巴士3A,5X,8,10A,12,17S到新口岸或文化中心站下車
地址 ：孫逸仙大馬路
另一個要介紹的地方就係永利皇宮纜車，同樣免費乘坐，纜車有兩個上落點，其中一個在酒店內，媽媽在另外一個站娛樂場外排了一個多小時才成功登車，因為搭乘的人很多很多，期間可以欣賞湖中的音樂噴泉表演，登上了纜車，一round差不多十分鐘左右，繞湖一圈，每人每次限搭乘一圈，纜車內外都是不錯的打卡點，夜晚坐更有特色，不錯的體驗，好適合一家大細！
交通 ：永利皇宮娛樂場接駁車
纜車開放時間 ：
星期五至六 16:00-24:00
星期日至四 16:00-22:00(最新安排請留意網站)
另外，永利皇宮亦按人頭派發免費飲品，登記後需要到如珠如包換領
圖文授權：My Little Wan Pig