孫慧雪今年7月誕下小兒子，轉眼間小兒子已三個多月。家有二寶，阿雪正式成為二寶媽。當中有甚麼不為人知的辛酸史？阿雪又有甚麼說話想勉勵一眾媽媽呢？MameShare與阿雪來一場深情對話！
生兩個，比想像中吃力！
生兩個的確吃力，因為兩個仔仔年齡上有點差距。「不同階段有不同需求。大仔已經六歲，需要溝通同出街玩，要陪佢做功課同溫書。細仔只得兩個月，仲未戒到夜奶，很需要媽媽。所以體力上很大負荷。」
二寶的互動，令煩惱盡消！
「當細佬未出世時，哥哥已經成日摸我個肚，同肚入面的BB傾計。所以當細佬未出世時已經好sweet。到而家一回家就衝去錫細佬，又會聞佢隻腳。我仲要提佢唔好心急要洗手先！有時出街仲話一定要帶埋細佬。而細佬開始大，有時望實哥哥，就唔喊！」阿雪覺得小朋友這個由心出發的小舉動真的很可愛！
演員的育兒方法：更投入兒子的角色
家有二寶，阿雪坦言與老公分配教養工作是一大挑戰。「主要是我對內，老公對外。」阿雪表示初生的細仔需要媽媽投放更多情感，例如要埋身餵母乳，自己又安排坐月的事。所以爸爸就會負責大仔的生活，例如帶他出去做運動、打波。「但回到家，大仔依然痴身，有時要抱住細佬同佢做功課。」提到育兒方法，阿雪覺得做演員的確有不同的育兒方法。「做演員會分析劇本，過程中會了解人物角色和行為。在現實生活，當大仔講心事時，我會更投入去了解他的內心世界，而且會與他玩角色扮演戲劇遊戲。」
兩個仔仔被標籤為「星二代」的感想？
對於「星二代」這個稱號，阿雪坦言有少少擔心，擔心這會對兒子造成無形壓力。「而家去學嘢，的確多左人認得佢，關注佢、叫佢名，有時佢都會覺得奇怪。不過無辦法啦！我會告訴他：仲好啦！咁多人錫你！」
演藝事業VS Full Time Mum？
阿雪成為二寶媽之後，相信很多人會關心她會否退出幕前「專心湊仔」。阿雪表示有想過減少工作，但不會放棄演藝事業。她覺得身教十分重要，為夢想而努力可以成為兒子的榜樣。「我是工作狂，反而做full time mum會有機會抑鬱。出去做吓野，可以當休息。回家繼續努力湊仔！」
當了媽媽，要暫時放棄個人興趣？
「可以話放棄咗好多嘢！例如去旅行、同朋友食tea行街，大家睇我IG都知，而家好多朋友都係上來我家聚會。另外，我以前都好喜歡手作和畫畫，現在就改變了，陪仔仔一起做。雖然個人時間是少了，但又會知道小朋友大得好快，要陪佢哋一起體驗童年，要珍惜在一起的時光。小朋友長大後，生活就可能容納唔到父母。」
對兩個仔仔的期望是⋯⋯？
「最緊要兄弟和睦，相親相愛！」阿雪回想起想生第二個小朋友原因在於擔心哥哥會寂寞，待自己和老公百年歸老時，會擔心哥哥要獨自解決問題，希望有個伴陪他一起分擔。最期望他們能夠互相扶持，做個善良開心的人。
給新手媽媽／二寶媽的勉勵說話？
「大家都是同路人，一起努力吧！」
「可以見證小朋友的成長，回頭看都是很美的回憶。」
「或許會有一下好辛苦，但只要忍一忍就過！」