雖然開學無耐，但嚟緊又有中秋國慶連假，有無計劃帶小朋友去邊度玩呢？Blogger 陳皮兄妹成長日記 一家人 最近就趁去咗澳門玩2日1夜，大家不妨參考一下佢哋對實際住過嘅葡京人酒店Line主題房嘅評價！
陳皮媽分享，因為陳皮爸申請咗permit，可以揸車停泊喺港珠澳停車場，泊好車之後，行去過關好近，過關時間都算快，出市區的交通比較少選擇，排隊等的士的人龍好長，最後等咗接近40分鐘先上到的士，的士直接去到葡京人酒店，排隊check in大概等咗20分鐘。
葡京人酒店Line主題房有分粉紅色同藍色，因為粉紅色只剩下尾房，所以陳皮媽揀咗藍色房，酒店3樓全層都係Line主題房，走廊都好多打卡位，亦係藍色或粉紅色主題。
陳皮家今次選了雙床房，露台有靚靚熊大，可以打卡，亦能睇到人哋玩飛索，夜晚有晒燈光好靚，廁所浴室夠哂大，浴缸連企缸位置，一家四口入哂去都無問題，夠大同小朋友沖涼好方便。
陳皮帶埋浴球波波，浸浴好正very good，記得唔好拎走酒店的Line物品，有個list寫哂價錢㗎，無小朋友牙膏牙刷及拖鞋，帶小朋友去記得自備喇！
酒店及商場設施方面，因為陳皮家第一日去到check in完上到房間都17:00，本身想去泳池游水先，點知 18:00泳池就關門，所以決左改第二朝一早去游水，酒店本身有food court，但大部分都無開喔⋯⋯得麥當勞有營業，酒店商場係無賭場，商場店舖都比較少，無咩嘢行，商場內有空內跳傘體驗，roller 場仲有Beebeeland。
第二朝早餐係燊哥冰室，Um…自助早餐款式好少，有粥、湯、沙律、麵包、火腿腸仔炒蛋，食飽就去游水啦，泳池喺2/F，啲水唔係暖水，都幾凍，泳池唔算大，陳皮游咗半個鐘已經凍到成個人震哂，即刻捉佢上水走人沖熱水涼。
圖文授權：陳皮兄妹與陳皮媽