暑假當然要和小朋友去放電啦！今次親子Blogger Je Reve Photography 為大家介紹廣州融創樂園玩樂攻略，親子票$298包一大一小，下午三點前免費入園，但機動遊戲仍需收費遊玩，即看看有什麼玩！
Je Reve Photography 表示暑假廣州温度比較高，第一日有成39度，所以決定下午4點先入園避開最熱嘅時間，一家四口買咗親子票，費用係$794，差不多包曬所有機動遊戲，另外有幾個設施同睇馬戲需要另外收費。
暑假主題係超級飛俠，所以園內有唔少相關嘅擺設俾大家影相打卡，園區內有幾個必玩嘅機動遊戲，挑戰大家心臟負荷！
1.雙龍飛舞過山車
啱晒鍾意刺激嘅朋友仔，雙軌道有兩個不同體驗，有興趣就要試曬兩條軌道啦！
2.怒海狂濤
結合激流同過山車，最後衝落嚟會擊起一個超高浪淋濕曬大家，真係我就算著曬雨褸都淋到濕曬，所以我地排咗係最後先玩
3.高空漂流
依個就係相中有個高塔加一條大型瀡滑梯，首先可以lift上塔頂欣賞下樂園嘅風景，温馨提示有部份位置係透明架。
另外當大家欣賞完就可以去玩一條近500米透明滑道，兩人一組坐係橡皮艇上，之後用水將艇高速噤衝落去，依個小朋友好鍾意，有少少刺激！不過依個需要另外收費的，$99一大一小！
其實重有好多好玩嘅機動遊戲，真係講唔曬噤多，由啱小朋友到勁刺激嘅遊戲都會有，可以選擇下自己鍾意玩啲咩。Je Reve Photography 一家四口最後玩咗6個鐘，都未玩得曬所有設施，大部分遊戲都唔需要排隊，係有幾個熱門game需要排10分鐘左右，其實如果唔怕攰真係可以玩成日。
廣州融創樂園
樂園營業時間：10:00~22:00
網址：按此
廣州融創樂園劃分為6大主題區域，分別為「千年商都」、「海上絲路」、「嶺南印象」、「南越古國」、「五羊傳說」及「夢幻花園」，每個區域內都有必不可錯過的重點項目及特色，滿足不同玩樂需要！
追求刺激新奇的大朋友們可以直奔「嶺南印象」及「南越古國」2區，而帶同小朋友玩樂的家庭則推薦前往「五羊傳說」及「夢幻花園」，不過要注意的是，廣州融創樂園園內大部份機動遊戲設有1.2米身高限制，帶同小朋友入園前記得先查詢一下心儀機動遊戲的身高要求！
圖文授權：Je Reve Photography