深圳親子遊｜小朋友考完試，又就嚟放暑假，帶佢哋去個短短旅行放吓電都好！趙c9廚房 Chiu’s Kitchen 分享深圳蛇口親子遊嘅親子玩樂景點，大家不妨參考吓啦！
今次 趙c9 一家三口入住 深圳蛇口希爾頓南海酒店 Hilton Shenzhen Shekou Nanhai，酒店喺地鐵站海上世界站 / 蛇口客運碼頭附近，交通非常方便，而今次主要介紹海上世界站附近的親子景點。
趙c9介紹海上世界呢個站都好大，連接咗海上世界 abcd 區 + 匯港購物中心，親子玩樂非常多！先講海上世界中央點就係一架大郵輪，本身船內係餐廳，但而家已經全部停業, 但船身仍然保留住，大家可以打下咭，夜晚著晒燈好靚，仲有噴水表演添！
成個海上世界區有幾個玩樂點，等趙c9為大家一一介紹！
海上世界文化藝術中心
喺海上世界內有＂海上世界文化藝術中心＂，係一個好大好靚又多 coffee shop 嘅地方，如果有啱既展覽，係可以逗留大半日慢慢欣賞！
樂菲兒童樂園 (A區)
呢個樂菲兒童樂園係類似冒險樂園咁，不過設施就舊啲，但玩樂種類都好多，包括有波波池，跳彈床，電動車等等！
沙灘小鎮公園 (L5 免費的)
沙灘小鎮公園係一個商場公園，有攀爬 / 滑梯 / 蹺蹺板等設施，成個場好色彩繽紛，而主打大大隻八爪魚造型嘅繩網滑梯，非常搶眼，打咭，放電一流！
另外，周圍都好多夾公仔舖，公仔靚仲可以換其他禮品，所以都有同囡囡玩下！
地址：
深圳地鐵 2號線 海上世界站
圖文授權：趙c9廚房 Chiu’s Kitchen