長隆野生動物園｜適逢回鄉證過期都可以用，如果各位爸爸媽媽唔想用腦，唔想安排行程，又想日日都好充實，不妨考慮一下雞脾媽與雞脾爸推介嘅長隆野生動物園！呢度真係好適合帶小朋友嚟玩，因為總共有三個樂園，嚟個三日兩夜嘅小旅行，啱曬！
雞脾媽介紹，未嚟長隆野生動物園之前，以為好山寨，原來呢度匯集咗世界各地500多種、2萬多只珍稀動物，基本上講得出嘅動物都有齊，包括國寶熊貓、長頸鹿、駱駝等！值得一提嘅係，連白虎都有！全世界的白虎數量大約只有250隻，而喺長隆野生動物世界百虎山，白虎的數量已經超過150隻，加上其他品種老虎，長隆野生動物世界幾乎有近300隻老虎。
另外仲可以同幼年野獸合照、睇北極熊冰上雜技、泰國鱷魚等多項動物現場表演，相當多元化。成個動物園設有4大展區，包括空中纜車、特色小火車、步行區同埋遊樂設施，除咗有得睇有得玩，仲可以同動物有好多互動嘅機會，好多動物都可以餵，包括河馬、火烈鳥都有得餵，呢啲動物真係唔係度度都有，至於飼料價錢方面，有啲平到$10一份，點忍到手！
雞脾媽分享震撼到毛管戙嘅表演，就係幾百隻雀仔一齊向同一個方向飛，驚訝到忍唔住＂嘩＂咗成個表演，對比上次新加坡動物園，小朋友今次投入咗好多，當佢見到白老虎飛撲跳水，會O哂咀。睇表演投入，花車巡遊仲夠膽出去跳舞，又餵動物仲餵到唔捨得走，而囡囡作為港女，有得打卡嘅活動都依然好投入！因為放晒電的關係，每晚兩兄妹都玩到自動訓著，爸爸媽媽就可以輕鬆食宵夜！
長隆野生動物園
門票價格：
標準票：￥350
小童/長者/優待票：￥245
青少年/學生票：￥280
園區開放時間：
營業時間
6月1日-6月30日：9:30-18:00（入園時間如有變動，請以園區公告為準）
[空中纜車]
6月1日-6月30日：12:00-17:00（最後入閘時間17:00）
具體開放時間跟路線以園區現場公示為準
網站：按此
圖文授權：雞脾媽與雞脾爸