領展可持續未來館｜呢排又落雨天氣又熱，帶小朋友去邊好呢？Blogger 初初媽媽 ChochoMama 帶小朋友去2023年4月開幕的「領展可持續未來館」，展館位於樂富廣場，地點方便，唔使預約，可以直接walk-in入埸玩！裏面有互動遊戲、睇小電影、好多好玩又靚嘅打卡位～展覽主題有關糧食大熱話題，包括食物碳足跡、廚餘、飲食走塑等⋯同小朋友一路玩一路學環保知識啦！
展館圍繞不同的可持續發展主題，加上各式專題展覽及互動遊戲，而呢期舉行嘅就係「綠續開餐」展覽，內容圍繞「如何吃出可持續的未來？」唔知小朋友有無諗過，「每天的吃喝，也在大自然留下足印？你喜愛的食物，不久的將來有可能消失？」
「綠續開餐」展覽探討現代糧食系統與地球生態的關係，趣味解構可持續糧食系統的熱門議題，包括食物生產過程和碳足跡的關係，有機和本地食物、食物絕種危機、廚餘再生、飲食走塑、以至食物科技的迷思。我們亦會與你分享本地漁民和農民的故事，以及看看新一代茶餐廳掌門人怎樣打破傳統，將可持續發展理念引入街坊老店。
互動遊戲包括「豐盛之糧」及「可持續的糧食系統」！
「豐盛之糧」透過270度沉浸式視覺體驗，反思人類，大自然和食物的關係，讓小朋友思考，大地賜俾小朋友豐富食物的同時，我哋又應該點樣回饋返天地呢？而喺「可持續的糧食系統」互動遊戲中，小朋友可以大顯身手，寓學習於娛槳，認識食物喺耕種養殖，運輸及加工包裝等過程中留下的碳足跡！
「領展可持續未來館」每星期都會舉辦不同工作坊及講座，參加者請預先上網預留名額！
睇完展覽，仲有嘢可以買！「惜食堂米仔站」由領展贊助，為惜食堂全港首個嶄新概念環保店。集食物捐贈、服務、倡導惜食文化及推廣環保消費於一身。
領展可持續未來館工作坊
- 詳情：按此
- 地點：樂富廣場A區3樓
- 免費入場
圖文授權：初初媽媽 ChochoMama