雪梨b好鍾意踩單車，所以雪梨家族今個星期途經馬鞍山海濱長廊，由沙田城門河踩單車入烏溪沙碼頭，路程唔遠，而且可以欣賞吐露港風景。
到咗烏溪沙沙灘之後，雪梨b建議堆沙，雪梨爸同雪梨媽一齊幫手堆咗一個小型城堡，雪梨家族亦喺沙灘野餐，食雪梨b親手整嘅三文治。
雪梨家族離開烏溪沙沙灘後，步行去鄰近嘅烏溪沙碼頭。如果想欣賞日落，去烏溪沙碼頭係唔錯嘅選擇。陽光配上清徹嘅湖水將天空折射，到訪人士都見到天空之鏡，亦可以遙望八仙嶺。
單車徑路線＋烏溪沙碼頭懶人包
難度：一粒星星 (五粒星星最高)
適合年齡：所有人士
交通工具：在馬鞍山站A出口出發，沿馬鞍山海濱長廊（向雅典居方向）步行9分鐘便到達。
附近美食：
金多寶餐廳小廚(位於鞍誠街富輝商場)：最正宗客家梅菜扣肉飯、客家釀豆腐飯、金牌秘製沙拉骨飯
Pepper lunch(位於西沙路馬鞍山廣場)：珍寶漢堡扒拼芝士醬飯、雞扒拼芝士醬飯
附近景點：
香港中華基督教青年會烏溪沙青年新村、白石高爾夫球練習場、馬鞍山公園
_____________________
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【親子好去處】