沖繩有不少適合親子遊樂的景點，如果爸媽有興趣帶孩子來一趟 沖繩親子遊 ，以下這個介紹可能會令你耳目一新！Blogger「彤彤與昕昕沖繩手記」一家近年移居沖繩，她分享以下這個稱之為本地人才知道的「秘密公園」，有3層高的瀡滑梯，無論大人還是小朋友都一定會愛上！
沖繩親子遊 Manta Park マンタ公園
今次要介紹的是位於沖繩的「Manta Park マンタ公園」， 雖然公園的面積不算太大，玩大約一個小時就足夠，但勝在有一個3層樓高的滑梯：「小朋友可以用唔同嘅方法爬上去鐘樓，分別係爬樹幹、爬石、攀岩、繩網、行樓梯等。除咗超高瀡滑梯之外，仲有一個大石梯都好好玩！」
彤彤媽媽形容，這個滑梯絕對是小朋友放電的好幫手：「真係離晒譜，瀡個滑梯要行咁多樓梯，但係落嚟嗰吓真係好好玩，完全係挑戰小朋友嘅極限，行咁多樓梯仲唔係勁放電？」
公園的旁邊有個大草地，可以讓小朋友跑來跑去及野餐，還有一個幼兒遊戲區。
值得一提的是，當日他們剛到達時，就聞到有一陣燒烤的味道，最後發現原來香味來自於一部「烤番薯車」：「多啦A夢卡通片入面就見得多啦，我都係第一次見到流動番薯車，冇理由唔買架嘛！原來呢一架烤番薯車暫時都會固定停喺呢個位，不過將來亦都有機會會出發去唔同嘅地區，大家如果有機會見到真係要試吓！」
「購買方法都好得意，番薯放喺個磅計算價錢，其實都同香港好似，但係佢乾淨好多。老闆仲好好人，好貼心咁問你要大件定細件，仲有兩隻唔同嘅番薯品種選擇。佢係用壺燒嘅，燴出嚟嘅番薯好甜好好味！」
地址：https://maps.app.goo.gl/brRy9qR2bbZzBZQU7?g_st=ic
沖繩親子遊 森林木匠工作坊
另外，彤彤媽媽亦介紹了以下這個親子工作坊，由小朋友親手製作一對屬於自己的木工筷子，無論是木材、筷子的形狀、吊飾及筷子套等，都可以由小朋友自己選擇。
完成整個筷子製作過程，可以獲得木工體驗證書一張，可能係首個獲得的海外證書！
Facebook： https://www.facebook.com/profile.php?id=100088876813719
預約方法： https://bit.ly/okiforestcarpenterbookingform
圖文獲彤彤與昕昕沖繩手記授權轉載