離島親子遊｜周末想要盡情享受休閒時光，大家少不免都會想搵啲「隱世」嘅地方，隱世漁村吉澳最近成為咗熱門消閒嘅好地方，吸引咗好多人去感受下大自然嘅氣息。所以今次雪梨媽同雪梨B就去到吉澳，決定喺嗰度大玩特玩，度過一個快樂假日。
位於香港最北的海域，吉澳是世界地質公園裡的熱門景點，亦有如一個時間靜止嘅小島。它原來是一個小漁村，多年來變化不大，保存咗好多傳統漁民的生活文化和歷史。為體驗呢種文化，雪梨媽同雪梨B就去咗「吉澳故事館」，館內展示咗吉澳的歷史、文化遺產、客家村民和漁民的習俗和故事。
之後亦去到天后宮，天后守護漁民和海員🙏落成至今保存得宜，默默見證了吉澳漁鄉的歷史變遷。
離島親子遊-吉澳美食
嚟到吉澳點可以唔試下當地嘅傳統美食。吉澳大街有小店和餐廳供應簡單美味嘅地道菜式，例如客家炆豬肉、傳統雞屎藤茶粿、手打墨魚丸等，令雪梨B都食到停唔到口。
最後雪梨媽同雪梨B以吉澳文化徑為最後一站，文化徑路徑大致平緩，有兩條分支路線分別通往高地頂同高棚頂觀景台，前者可飽覽鹽田港等景致，後者可欣賞印洲塘景色。
吉澳係一個富有傳統特色嘅地方，如果大家鍾意傳統文化的話，不妨由馬料水或沙頭角碼頭搭船嚟行下，感受下漁村的特色啦！
離島親子遊-吉澳懶人包
難度：1星
適合年齡：任何年齡
附近景點：
鴨洲，東平洲，印洲塘，香港聯合國教科文組織世界地質公園
交通：
可以乘坐地鐵到大學站B出口步行至馬料水碼頭搭船到吉澳，注意從馬料水到吉澳的船期只在周末及公眾假期才開出，單程船費為HK$45；
亦可以到上水站乘搭55K小巴到沙頭角總站，再步行至沙頭角碼頭搭船，平日或周末想去吉澳都可以在沙頭角出發，單程船費為成人HK$20、65歲或以上長者、傷殘人士、小童HK$15
*馬料水碼頭船期：9am （馬料水→吉澳）、10:45am （吉澳→鴨洲）、12:30pm （鴨洲→吉澳）、3:30（吉澳→馬料水）
*由沙頭角開出船期：8:30am/12:30pm/2:45pm/5:00pm
附近美食：
益民酒家 (沙頭角吉澳大街26A號) – 正宗手打墨魚丸，客家炆豬肉，海膽炒飯，客家咸雞
吉澳茶果檔 (沙頭角吉澳大街) – 茶粿，糯米糍，鉢仔糕，雞屎藤茶粿
明記雞粥 (船灣荔枝窩自然步道) – 客家釀豆腐，黃酒雞，叉燒炒米，雞粥
福利茶室 (粉嶺沙頭角三椏村1號) – 豆腐花，客家炆豬肉，豉油王炒麵，椒鹽鮮魷
________________
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【親子好去處】