假日不妨帶小朋友去悠閒享受親子時光！早前Blogger 和牛b的成長日記 分享了到《獅藝館茶座》的玩樂誌，媽媽表示，地方比較隔涉，如果去開上水又冇咩嘢做，或者踩單車途經，都可以食個Tea，「因為入面其實真係餐廳，非親子玩樂餐廳哦！」鍾意舞獅嘅話，必定會想嚟到打個卡留念！媽媽就話自己一直都好鍾意睇舞獅表演，每一下嘅鼓聲，再配合舞獅嘅動作，真係好吸引！
獅藝館茶座｜遠離煩囂 舞獅主題＋雙人鞦韆親子打卡餐廳
《獅藝館茶座》設有室內及戶外區，戶外區亦有分兩邊。媽媽形容餐廳除了以舞獅做主題外，更走悠閒墨西哥風，一起看看餐廳的設施啦！
^ 室內
^ 戶外區
餐廳範圍都有多個打卡位，包括舞獅裝飾、英國風電話亭、粉紅色雙人鞦韆，可以拍照留念！餐廳內還有一個湖，日落時，太陽映照喺湖上，影相真係好靚！
喺餐廳戶外區，仲見到走地雞，小朋友見到都很興奮！餐廳仲可以餵羊，不過可能當日太晏啦，羊仔都匿埋晒！
食物方面，價錢都係正常合理的。不過，媽媽表示當日可能是新年期間啦，未知是不是人手不足。落單後，上菜都比較慢⋯⋯「我哋叫左一份飛碟、兩碗麵⋯⋯但等了一小時⋯⋯ (當中有向店員查問，是否溜了單)」
前往方法:
於上水乘搭小巴51k到總站，下車後向雙魚河方向行，大約十分鐘。
駕車的話，佢哋有一個免費停車場。
【獅藝館茶座 @ 上水】
地址：
上水河上鄉居石侯公祠
電話號碼：
9316 1443
營業時間：
星期一至五: 11:00 – 18:00 (逢星期三休息)
星期六至日: 10:00 – 18:00
圖文授權：和牛b的成長日記