利申：我已做了超過十年中小幼PTA和家長校董，試飯試過好多次，審批過午膳標書也不止一次。
如果你問我：活力真係咁差？
講真，多年來，他們算是最好食之一！
很可惜是一朝崩壞。
其實有前傳
但早在十日前，有個在某中學做PTA的朋友仔已經告訴我，她學校收到活力通知，只供飯到28/2。學校要急忙找三月份的飯商，當時我已經覺得匪夷所思。
由我教書十幾年到現在做家長工作十幾年，都沒聽過供應商會主動在學期中間terminate。
（因為嚴重衛生問題而由學校在學期中間提出解約的反而有）
然後，早幾天另一間中學又有朋友說一模一樣的事，活力要求三月份離場，令學校要急找供應商。
當時還未有各區學生吃完活力出事的新聞，之後的事不用我說了，大家在新聞都見到。
尊重持份者
有人說：都只是兩天，不如返半日，就解決問題啦！
那麼，如果午餐供應繼續沒法正常呢？一直返半日嗎？
一間學校可能得八成人訂活力，兩成家長自行帶飯、送飯或已安排其它餐膳。
為了沒飯吃就返半日？
我們也要顧及這兩成持份者的意願啊！
還能熬下去？
下星期一、二不供飯，星期三即使再有，大家還敢吃嗎？今天有朋友打去活力，想取消今天的午飯，對方居然主動說可以一口氣取消整個二月並退款。這難免令家長想：你們，真的還想做下去嗎？
先捱過這兩天
我身邊不少雙職父母很惆悵，苦惱於下星期一、二的午飯該如何安排。有人以為，一係晨早煮，用暖壺給小朋友帶返學；一係中午煮好，自己送去學校給小朋友，然後覺得兩者在時間上都做不到⋯⋯
其實，仲有一個option的——即使你九點十點要返工，你也可以返工前買個外賣飯（X記點心嗰啲蒸飯又得、酒樓早市蒸飯又得），放入暖壺，送去學校，然後一樣返你的工。
你不用六七點起身煮，亦不用中午好空閒地去送飯，你早點出門，坐多一程車，已經解決了問題。
記着：
送飯去學校，就算平時有指定時限，只是區區這兩天，都不應設限啦！你九點十點送去，沒理由不可以！
如果這又不行、那又不行⋯⋯請叫貴校家教會為家長做點事，爭取合理安排，才對得起他們所獲的選票。
我只想講：不要被局限思維！方法總比困難多！
再利申多一個：
我是長期送飯的，由大女兒小一送起，疫情三年不算，今年都已經是第7個年頭！
（歡迎留言及討論）
