鮑魚珍味佳餚盛宴 精緻料理帶來味蕾與視覺享受

在這個美食的世界裡，有一道令人垂涎欲滴的佳餚，那就是鮑魚珍味。鮑魚作為海洋的明珠，以其鮮美的口感和豐富的營養價值而聞名。無論是細膩的滷鮑、鮮嫩的清蒸鮑，還是入口即化的鮑魚燉煮，透過巧妙的烹調技巧和精選的食材，將鮑魚的鮮味完美展現。每一口咬下，味蕾間綻放出無盡的鮮香。

鮑魚料理食譜1. 蔥油南非鮑魚

非常簡單又吸睛的前菜，做法完全零技巧，先將鮑魚片焯熟，再淋上熱辣辣新鮮煉好嘅蔥油！加上蒸魚豉油就完成，味道好香好鮮甜，配上大量蔥絲一齊食超正！

材料：新鮮鮑魚 5隻、薑 共7片、蔥 3棵 (1棵切絲、2棵切段)、蒜頭 5瓣、紹興花雕酒 2湯匙、麻油 半茶匙、蒸魚豉油/刺身豉油 1湯匙⁡

做法：

1. 處理鮑魚：鮑魚用百潔布/牙刷擦走表面污垢，放入滾水煮20秒；用匙羹除去外殼，剪走腸臓和鮑魚嘴，浸冰水2分鐘。
2. 放入生粉水浸泡去污，再用牙刷擦走裙邊和隙位的污垢；切薄片，用刀背拍鬆。
3. 煮鮑魚：大鍋放入紹興花雕酒、4片薑和蔥段，加清水煮滾；放入鮑片煮約30秒至熟(視乎厚薄)，盛起，鋪上蔥絲。
4. 煉蔥油：下油開鍋，加入蔥段、3片薑、蒜頭和麻油，小火煮至出味；蔥油過篩後加熱，淋上蔥絲，倒入蒸魚豉油即成。

清理鮑魚貼士：海鮮檔店員教煮之前用百潔布加生粉擦，真係乾淨易洗好多。擦完切薄片，用刀背拍打肉質就鬆軟！

鮑魚料理食譜2. 泰式涼拌鮮鮑魚

⁡比起中式花雕酒醉鮑魚，這道菜加了香茅同埋泰式香料，更加開胃惹味。做法好簡單，先處理洗乾淨鮑魚，預備涼拌汁，再將鮑魚煮熟放涼就完成。其實這泰式涼拌汁好萬用，除了鮑魚，之前用過來醃花甲、大蝦、花螺、青瓜都好好味！

材料：鮑魚 4-8隻、香茅 1條拍扁切碎、芫荽根 2條、蒜頭 5瓣切碎、乾蔥 1粒切碎、薑/蔥、指天椒(可省略)

調味料：水 300ml、生抽 30ml、麻油 半茶匙、黑醋/醋 1茶匙、魚露 1茶匙、砂糖 2-3茶匙、青檸汁 1-2茶匙⁡

做法：

處理鮑魚：煮滾薑蔥水，熄火放入鮑魚浸20秒後撈起浸冰水，去除外殼和腸臓，撕去鮑魚嘴。

1. 放入生粉水浸泡10分鐘去污，用牙刷刷走裙邊和隙位的污垢，
2. 下油開鍋，加入芫荽、蒜粒、乾蔥和香茅碎炒香，加入其餘調味料，合蓋煮10分鐘出味。
3. 放入鮑魚，煮約4-5分鐘至熟，放涼後放入雪櫃至少3小時即可。

鮑魚料理食譜3. 花雕醉鮑魚

這道菜式的靈魂就係紹興花雕酒，今次選了古越龍山同塔牌️，買了3支比較，分別係5年、8年、同10年陳釀！一口氣整了3份醉鮑魚做實驗，個人鍾意用塔牌8年陳花雕酒浸的醉鮑，鮑魚有酒香又唔會太烈變苦；其實古越龍山5年都唔錯，比塔牌更香醇；古越龍山10年用來做醉鮑太濃烈，掩蓋咗鮑魚本身嘅鮮味（以上純個人意見分享）。

材料：活南非鮑魚

花雕酒汁（根據材料份量按比例調整）：紹興花雕酒 150ml、糟鹵 300ml、杞子 2-3茶匙、桂圓/龍眼肉 6粒、冰糖 1-2茶匙、水 150 ml⁡

處理鮑魚：

1. 大鍋煮滾水，放入鮑魚煮2分鐘。
2. 立即把鮑魚放入冰水冷卻，此做法令肉質更爽口彈牙。
3. 用小刀把鮑魚取出，去掉腸臓，撕去鮑魚嘴，放入粟粉水浸泡10分鐘。
4. 用牙刷輕輕刷走裙邊和兩邊的污垢，清潔後用大火蒸8分鐘即成。

⁡

製作紹興花雕酒醉汁：

1. 杞子、桂圓和冰糖用150ml 熱水浸泡。
2. 放涼後，加入紹興花雕酒及糟鹵，倒入密實盒。
3. 放入鮑魚，放入冰箱浸一晚即成（注意所有汁液要蓋過食材）。

鮑魚料理食譜4.  日式磯煮鮑魚

提到涼拌鮑魚，多數都係諗起用花雕酒浸，大家不妨試吓日式煮法，「磯煮」就係用日式醬油同昆布細火炆煮，除可以保持鮑魚鮮嫩嘅肉質，而且醬汁鮮甜香濃，雪凍當前菜食特別開胃！

⁡材料：新鮮鮑魚、昆布 1片約15cm、水 500ml、清酒 100ml、鰹魚片 2湯匙

磯煮醬汁：日式醬油 100ml、味醂 60ml、冰糖/ 砂糖 2茶匙

做法：

1. 昆布用廚房紙巾輕輕抹乾淨，用500ml水放雪櫃浸泡一晚。
2. 處理鮑魚：鮑魚用百潔布/牙刷擦走表面污垢，去除外殼和腸臓，撕去鮑魚嘴。
3. 放入生粉水浸泡10分鐘去污，用牙刷刷走裙邊和隙位的污垢。
4. 預備磯煮汁： 清酒用中火加熱，點火令酒精完全揮發（或大火煮滾3分鐘）。
5. 加入步驟1的昆布水和磯煮醬汁，放入鮑魚；小火煮至滾後，取出昆布，合蓋小火煮1小時。
6. 放入鰹魚片，合蓋熄火焗30分鐘。
7. 取出鮑魚，篩走鰹魚片；磯煮醬汁用大火煮滾5分鐘(令醬汁更濃郁)倒入密實盒，加入鮑魚放雪櫃浸一晚。

鮑魚料理食譜5. 三杯鮑魚煲

簡單又好味的煲仔菜式，街市買南非鮑魚好抵，新鮮又厚肉！係洗鮑魚需要花多少少時間，，不過有個小貼士，用粟粉水浸一陣再擦，易洗好多。煮三杯鮑魚，最重要加入九層塔，即時提升味蕾的享受。

材料：新鮮鮑魚 8隻、蒜頭 6粒、薑 6片、九層塔 2棵、紅尖椒（可省略）

調味料：麻油 2湯匙、冰糖 1粒、米酒 3湯匙、生抽 3湯匙、老抽 1茶匙⁡

做法：

1. 處理鮑魚：大鍋燒熱水，下鮑魚煮2分鐘，放入冰水冷卻，此做法令肉質更爽口彈牙。
2. 用小刀把鮑魚取出，去掉腸臓，撕去鮑魚嘴，放入粟粉水浸泡10分鐘去污，再用牙刷刷走污垢。
3. 大鍋下麻油，小火煎香薑片和蒜粒，然後下冰糖炒至溶化。
4. 加入鮑魚，下米酒、生油和老抽，煮沸後合蓋煮4-5分鐘至熟。
5. 熄火，加入九層塔，炒勻後即可上碟。

鮑魚料理食譜6. 花膠鮑魚雞煲

一煲有齊海鮮、鮑魚、雞同花膠，自家煮落幾多都得，足料過餐廳呀。今次用了紐西蘭花膠，大大舊好厚肉，成個雞煲汁充滿骨膠原，送飯一流！

材料：鮑魚 6隻、雞件、冬菇 8粒、紫洋蔥 1/4斤切絲、乾蔥 3粒切半、蒜頭 3瓣切片、冰糖 1茶匙、薑 4片、蔥段

雞件醃料：麻油 半茶匙、生抽 1茶匙、糖 半茶匙、生粉 1茶匙、薑 3片、蔥段 適量、紹興酒 1茶匙

調味醬料：浸冬菇水 250ml、麻油 半茶匙、生抽 3茶匙、糖 半茶匙、生粉 1茶匙、蠔油 2湯匙、紹興酒 1湯匙、老抽 1茶匙

做法：

1. 冬菇用250ml熱水浸軟。
2. 處理鮑魚：大鍋燒熱水，放入鮑魚煮2分鐘，之後放入冰水冷卻，此做法令肉質更爽口彈牙。
3. 用小刀把鮑魚取出，去掉腸臓，撕去鮑魚嘴，放入粟粉水浸泡10分鐘去污，再用牙刷刷走裙邊和兩邊的污垢。
4. 雞件用醃料醃1小時。
5. 大鍋下油，中火爆香薑片乾蔥蒜頭，加入雞件炒香，再加入冰糖炒2分鐘至溶化。
6. 放入冬菇、花膠和浸冬菇水，加入調味醬料，大火煮滾後轉小火，合蓋炆30分鐘。
7. 開蓋大火翻炒至汁變濃稠（可額外加生粉調整濃稠度）加入鮑魚炆熟即可上碟。

鮑魚料理食譜6. 砂鍋鮑魚櫻花蝦炒飯⁡

這豪華鮑魚煲仔炒飯，用了新鮮南非鮑魚同櫻花蝦！將鮮鮑魚炆到入味，再用鮑汁+鮑魚肉粒炒飯，再灑上煎香的櫻花蝦乾提鮮，成煲飯香噴噴呀。如果大家有砂鍋/鑄鐵鍋，仲可以將炒飯放入煮飯焦，成煲上桌特別吸睛！

材料：鮑魚 8隻、櫻花蝦乾 30g、雞肉 100g切粒、白飯 3碗(已煮熟)、乾蔥 2粒切碎、生抽 1茶匙、麻油 半茶匙、炆鮑魚汁 100ml、蔥花 半碗

雞醃料：生抽 2茶匙、麻油、老抽 各半茶匙、紹興花雕酒 1茶匙

炆鮑魚材料：薑 5片 / 乾蔥 2粒切塊 / 蒜頭 2瓣切片、紹興花雕酒 1湯匙、水 200ml、蠔油 3-4湯匙、生抽 3湯匙、老抽 3茶匙、冰糖 1茶匙

做法：

1. 雞肉粒用醃料醃20分鐘。
2. 處理鮑魚：鮑魚用百潔布/牙刷輕輕擦走表面污垢(不要太大力避免肉質收縮)；煮滾薑蔥水，熄火放入鮑魚浸20秒後撈起浸冰水，去除外殼和腸臓，撕去鮑魚嘴。
3. 放入生粉水浸泡10分鐘去污，用牙刷刷走裙邊和隙位的污垢。
4. 炆煮鮑魚：下油開鍋，加入乾蔥、薑片、蔥白和蒜片炒香，下冰糖炒至溶化。
5. 加入鮑魚，灒入紹興花雕酒，加入其餘炆鮑魚材料，煮沸後合蓋小火煮15分鐘。
6. 取出5隻鮑魚切粒，放回大鍋，繼續合蓋小火煮10分鐘至上色入味。
7. 製作炒飯：櫻花蝦乾用白鑊炒香，盛起備用。
8. 下油開鍋，炒香乾蔥碎和雞粒；加入白飯，下生抽和麻油炒勻。
9. 逐少倒入炆鮑魚汁，炒至白飯吸收湯汁乾身，加入鮑魚粒、櫻花蝦乾和蔥花炒勻即可上碟。
10. 如用砂鍋/ 鑄鐵鍋：抹上麻油，放入炒飯，中火煮2分鐘後，合蓋小火煮2-3分鐘；鋪上原隻鮑魚和櫻花蝦乾擺盤即成。

鮑魚料理食譜7. 薑蔥爆炒鮮鮑魚

非常惹味送飯一流的菜式，自家煮可以用大大隻南非鮑魚。⁡鮑魚要避免炒到肉質變韌，記得唔可以活生生的時候擦洗，如果唔係鮑魚會收縮肉質變韌。另外最重要用大火快炒，煮鮑魚時間唔可以多過4分鐘。⁡

材料：鮮鮑魚 8隻、薑 6片、乾蔥 4粒切半、蒜頭 6瓣、蔥 4棵切段、紅尖椒 可省略

調味料：冰糖 1小粒、紹興花雕酒 1湯匙、蠔油 2-3湯匙、生抽 2茶匙、老抽 半茶匙、魚露 半茶匙、生粉水 50ml (2茶匙生粉+50ml水)⁡

做法：

1. 處理鮑魚：煮滾薑蔥水，熄火放入鮑魚浸20秒後撈起浸冰水，去除外殼和腸臓，撕去鮑魚嘴。
2. 放入生粉水浸泡10分鐘去污，用牙刷刷走裙邊和隙位的污垢，撲上生粉。
3. 炒鮑魚：下油開鍋，放入鮑魚，大火煎香兩邊後盛起(1分鐘)。
4. 同一個鍋煎香蒜頭和薑片至金黃，加入乾蔥和蔥白炒香，下冰糖炒至溶化。
5. 放入鮑魚拌炒，灒入紹興花雕酒；下其餘調味料大火快炒，下生粉水煮至變濃稠，加入蔥段炒勻即成(視乎鮑魚大小，全程不要超過4分鐘)。

鮑魚料理食譜8. 鮮鮑魚汁煮豆腐

這道真。鮑汁豆腐，用了新鮮南非鮑魚+流浮山蠔油煮湯汁，超級鮮味，加埋煎到脆面的豆腐吸汁，送飯一流！

材料：新鮮鮑魚 5隻、硬豆腐 1-2磚、生粉水 (1茶匙生粉+25ml水)

炆鮑魚材料：乾蔥 3粒切件、薑 5片、蒜頭 5瓣、蔥 1棵切段、冰糖 1茶匙、紹興花雕酒 1湯匙、水 400ml、蠔油 約4湯匙、生抽 3湯匙、老抽 3茶匙

做法：

1. 處理鮑魚：鮑魚用百潔布/牙刷輕輕擦走表面污垢(不要太大力避免肉質收縮)；煮滾薑蔥水，熄火放入鮑魚浸20秒後撈起浸冰水，去除外殼和腸臓，撕去鮑魚嘴。
2. 放入生粉水浸泡10分鐘去污，用牙刷刷走裙邊和隙位的污垢。
3. 處理豆腐：硬豆腐浸鹽水至少1小時，切件印乾水份。
4. 下油開鍋，豆腐拍上生粉，中火煎豆腐至每邊焦香金黃，盛起備用。
5. 炆煮鮑魚：下油開鍋，加入乾蔥、薑片、蔥白和蒜頭炒香，下冰糖炒至溶化。
6. 加入鮑魚，灒入紹興花雕酒，加入其餘炆鮑魚材料，煮沸後合蓋小火煮15分鐘，試味。
7. 加入生粉水小火煮沸；放入蔥段和豆腐，小火煮約10分鐘至豆腐上色入味及湯汁濃稠，灑上蔥花即成。

圖文來源：IG@kiuu922

想尋找更多煮食新意請看【自煮料理】