參觀香港故宮文化博物館！無需遠赴北京便可以一睹這些歷史名物，鍾意睇宮廷劇嘅人絕對不能錯過。雪梨媽都想感受下濃厚的中華文化，於是帶埋雪梨B 嚟到香港故宮博物館參觀，欣賞同學習中華文化和每一件的歷史文物。
座落於西九文化區西端海旁的香港故宮文化博物館，外型靈感來自「中國傳統建築」、「中國藝術」與「香港城市景觀」三大元素。方角外牆有城府樓閣🏯特色，中間玻璃幕牆則帶有時尚感🏢，融合了古典同創新的風格。
博物館內有9個展廳，包含兩個特別的展覽，呈現明清時期的紫禁城和清代的宮廷生活之外，展出陶瓷⚱️、清代皇家畫像👩🏻🎨和工藝品🪆。雪梨媽同雪梨B由1號睇到7號展覽廳，由元朝歷史睇到明，清朝歷史，再睇埋當代設計文化和香港收藏史，展覽內容之豐富，令雪梨媽同雪梨B都目不暇給🥰。
最後雪梨媽同雪梨B亦都參觀咗兩個展覽廳展覽，分別是晉唐宋元書畫👩🏻🎨和馬的文化藝術🐎。8號廳展出35份由晉、唐、宋、元的一級國家文物書畫作品，配合一氣貫通的蜿蜒迴廊窗戶，不禁有種身處深宮樓閣的感覺；9號廳就運用咗華人喜愛的馬匹為主題，展出咗世界各地的畫作、雕刻品等與馬相關的藝術品，呢兩個展覽都是期間限定的，記住爭取時間去睇啦～
現時故宮文化博物館已經開幕，星期一至日及公眾假期都開放，大家有興趣不妨去參觀，享受一個好玩又可以學到嘢歷史旅程😊。
「香港故宮文化博物館」資訊懶人包
難度：半粒星星（五粒星星最高）
適合年齡：任何年齡
交通工具：
可以乘坐港鐵東涌綫或機場快綫到九龍站E出口，沿雅翔道步行至行人天橋。橫過天橋後，即可進入西九文化區及博物館，或在出口轉乘綠色專線小巴CX1直達博物館; 亦可在港鐵九龍站C1或D1出口出站，跟從路標指示前往圓方金區2樓的藝術廣場天橋出口；經藝術廣場天橋即可進入西九文化區。
附近景點：
M+，西九文化區，天際100，天空走廊，圓方
附近美食：
港灣小館 (西九藝術公園地下6號舖) – 芝士薄餅、意粉，以及意大利芝士蛋糕（Tiramisu）
Pano (尖沙咀博物館道24-26號 西九文化區藝術公園1樓1號舖) – 吞拿魚牛油果塔，帶子配青瓜蘆筍及檸檬牛油汁，雞卷
金玡居 (尖沙咀西九文化區博物館道8號香港故宮文化博物館地下低層Museum Cafe 2) – 清燉牛肉麵，黑椒蘑菇飯，花雕醉雞，金玡居撈麵
ADD+ (尖沙咀西九文化區博物館道38號M+ B1層) – 烤美國肉眼扒，紅燒BB乳鴿，脆炸深海魚柳，烤焗蘋果撻
___________________
撰文及攝影：雪梨媽 （Facebook : 雪梨家族吃喝玩樂Fun ）
想知更多好去處，請按【Mame好去處】