鑄鐵鍋食譜｜琺瑯鑄鐵鍋和純鑄鐵製的鑄鐵鍋深受女生歡迎，除了有好看的外型，還傳熱快而均勻，不易黏鍋，可以讓大家快手煎、煮、炒、炸料理。MameShare整合了9款鑄鐵鍋食譜，可以煮出「一鍋到底」和無水料理。
鑄鐵鍋食譜1. 花膠鮑魚雞煲
一煲有齊海鮮、鮑魚、雞同花膠，自家煮落幾多都得，足料過餐廳呀。今次用了紐西蘭花膠，大大舊好厚肉，成個雞煲汁充滿骨膠原，送飯一流！
材料
鮑魚 6隻
雞件
冬菇 8粒
紫洋蔥 1/4斤切絲
乾蔥 3粒切半
蒜頭 3瓣切片
冰糖 1茶匙
薑 4片
蔥段
雞件醃料：
麻油 半茶匙
生抽 1茶匙
糖 半茶匙
生粉 1茶匙
薑 3片
蔥段 適量
紹興酒 1茶匙
調味醬料：
浸冬菇水 250ml
麻油 半茶匙
生抽 3茶匙
糖 半茶匙
生粉 1茶匙
蠔油 2湯匙
紹興酒 1湯匙
老抽 1茶匙
做法：
- 冬菇用250ml熱水浸軟。
- 處理鮑魚：大鍋燒熱水，放入鮑魚煮2分鐘，之後放入冰水冷卻，此做法令肉質更爽口彈牙。
- 用小刀把鮑魚取出，去掉腸臓，撕去鮑魚嘴，放入粟粉水浸泡10分鐘去污，再用牙刷刷走裙邊和兩邊的污垢。
- 雞件用醃料醃1小時。
- 大鍋下油，中火爆香薑片乾蔥蒜頭，加入雞件炒香，再加入冰糖炒2分鐘至溶化。
- 放入冬菇、花膠和浸冬菇水，加入調味醬料，大火煮滾後轉小火，合蓋炆30分鐘。
- 開蓋大火翻炒至汁變濃稠（可額外加生粉調整濃稠度）加入鮑魚炆熟即可上碟。
鑄鐵鍋食譜2. 咖喱薯仔炆雞翼
不少人家中長期都備有急凍雞翼，隨時解凍就可以用來煮食。這道咖喱薯仔炆雞翼十分開胃惹味，咖喱汁和炆到入味的薯仔送飯一流。
材料：
雞翼 8隻
薯仔 2個切件
甘荀 1條切片
洋蔥 1個切片
蒜頭 5瓣切碎
薑 5片
紹興花雕酒 1湯匙
雞翼醃料：
生抽 2茶匙
老抽 1茶匙
蔴油 半茶匙
紹興花雕酒 1湯匙
調味醬汁：
咖喱醬 3湯匙
沙茶醬 1湯匙
水 200ml
砂糖 半茶匙
椰奶 1罐165ml (可逐少加試味）
做法：
- 雞翼解凍，用醃料醃至少2小時；薯仔切粒浸水15分鐘
- 下油開鍋，放入薑片和雞翼，煎至兩邊金黃焦香，盛起備用；煎香薯仔備用
- 大鍋下油，放入洋蔥片和蒜粒拌炒；下咖喱醬和沙茶醬，用小火炒香；加入雞翼、薯仔和甘筍，灒入紹興花雕酒
- 倒入清水，中火煮沸後合蓋小火煮30分鐘
- 加入椰奶，下砂糖調味，中火煮至醬汁濃稠即成
鑄鐵鍋食譜3. 特濃蕃茄咖喱大蝦烏冬
特濃蕃茄咖喱大蝦烏冬做法超簡單，20分鐘就煮好，烏冬可以直接煮而不用分開另一個鍋，十分方便。蕃茄配上日式咖喱磚，變得更加香口惹味，每條烏冬都掛上香濃咖喱蕃茄汁，加入流心蛋黃而味道十分香濃。
材料(2人份)：
急凍烏冬 2片
煙肉粒Pancetta 70g (可省略)
去殼大蝦 6-8隻
洋蔥 半個切粒
車厘茄 15粒切半
甘筍 1條切片
罐裝番茄 1罐400g
日式咖喱磚 40g
水 50ml
淡忌廉 50ml
日本生食用雞蛋 1隻
鹽、黑胡椒碎
牛油 1茶匙
蕃茜Parsley (可省略)
做法：
- 急凍大蝦沖水解凍，去殻，沿背部界一刀去腸；用廚房紙吸乾水份，灑上鹽、黑胡椒調味
- 冷鍋下煙肉粒，小火煎至脆身油份䆁出，盛起
- 同一個鍋下大蝦煎至兩邊焦香，盛起備用；加入牛油和洋蔥粒炒至軟身，下車厘茄和甘筍，先盛起一部分用作擺盤；倒入罐裝蕃茄壓蓉，加入50ml清水和咖喱磚煮滾
- 放入烏冬，合蓋中火煮1分鐘後翻面；合蓋繼續煮1分鐘
- 拌勻烏冬至散開，加入淡忌廉；下鹽、黑胡椒碎調味
- 鋪上大蝦、煙肉粒、車厘茄和甘荀，加入生蛋黃和蕃茜碎即成
鑄鐵鍋食譜4. 啫啫沙嗲肥牛腐竹煲
沙嗲肥牛多數配粉絲，其實配腐竹都好好食，吸滿了汁超惹味，腐竹建議買新鮮軟身，不用浸，煮幾分鐘已經好入味！用新鮮牛頸脊，油花均勻又有肉香，新鮮牛肉不用醃(只限肥牛片)，直接炒釋出肉汁已經好香，整個烹煮過程不用20分鐘就煮好，方便又送飯一流！
材料：
牛頸脊/肥牛片 200g
鮮腐竹 4條切段
乾蔥 3粒切碎
蒜頭 3瓣切片
水 50ml
調味料：
沙嗲醬 3湯匙
老抽 半茶匙
蠔油 1湯匙
砂糖 半茶匙
紹興花雕酒 1茶匙
做法：
- 下油開鍋，炒香蒜片和乾蔥碎；加入沙嗲醬小火炒至香味䆁出。
- 加入肥牛，炒至半熟後盛起。
- 同一個鍋加入腐竹炒勻，加入調味料和清水煮沸。
- 鋪上肥牛(連同炒牛肉的肉汁)，灒入紹興花雕酒，煮沸後合蓋煮約3分鐘至熟，灑上蔥花即成。
鑄鐵鍋食譜5. 無水蕃茄牛肉粉絲煲
蕃茄牛肉粉絲煲是一款超開胃的菜式，做法也很簡單。蕃茄先浸熱水去皮，新鮮牛肉不用醃(只限肥牛片)，直接落鑊炒釋出肉汁，再加入蕃茄粒，炒熟了會出水，成個菜式一滴水都不用加，加上粉絲吸汁後超正！
材料：
牛頸脊/肥牛片 250g
蕃茄 3-4個
泰國粉絲 2包浸軟
蒜頭 4粒切碎
乾蔥 2個切碎
薑 2片
蔥 適量
調味料：
生抽 1茶匙
茄汁 1湯匙
砂糖 1茶匙
做法：
- 粉絲用清水浸軟，瀝乾水備用。
- 蕃茄底部十字，放入100度熱水浸45秒後浸冰水，去皮切粒。
- 下油開鍋，加入蒜粒、乾蔥碎和薑片炒香，下牛肉炒至半熟盛起。
- 同一個鍋下蕃茄粒拌炒，可輕壓茄粒䆁出水份；加入調味料煮沸，小火煮至出汁；放入粉絲炒勻，合蓋小火煮2分鐘；鋪上牛肉片，合蓋小火煮1-2分鐘，灑上蔥花即成。
鑄鐵鍋食譜6. 鮮鮑魚汁煮豆腐
說到鮑汁豆腐，平時出街食大部分都係好typical現成鮑魚汁味，有時食完會好口渴，一於自己煮個豪華version！用新鮮南非鮑魚+流浮山蠔油煮湯汁，超級鮮味；加埋煎到脆面嘅豆腐吸汁，鮮味十足！
材料：
新鮮鮑魚 5隻
硬豆腐 1-2磚
生粉水 (1茶匙生粉+25ml水)
炆鮑魚材料：
乾蔥 3粒切件
薑 5片
蒜頭 5瓣
蔥 1棵切段
冰糖 1茶匙
紹興花雕酒 1湯匙
水 400ml
蠔油 約4湯匙
生抽 3湯匙
老抽 3茶匙
做法：
- 處理鮑魚：鮑魚用百潔布/牙刷輕輕擦走表面污垢(不要太大力避免肉質收縮)；煮滾薑蔥水，熄火放入鮑魚浸20秒後撈起浸冰水，去除外殼和腸臓，撕去鮑魚嘴。
- 放入生粉水浸泡10分鐘去污，用牙刷刷走裙邊和隙位的污垢。
- 處理豆腐：硬豆腐浸鹽水至少1小時，切件印乾水份。
- 下油開鍋，豆腐拍上生粉，中火煎豆腐至每邊焦香金黃，盛起備用。
- 炆煮鮑魚：下油開鍋，加入乾蔥、薑片、蔥白和蒜頭炒香，下冰糖炒至溶化。
- 加入鮑魚，灒入紹興花雕酒，加入其餘炆鮑魚材料，煮沸後合蓋小火煮15分鐘，試味。
- 加入生粉水小火煮沸；放入蔥段和豆腐，小火煮約10分鐘至豆腐上色入味及湯汁濃稠，灑上蔥花即成。
鑄鐵鍋食譜7. 日式三文魚奶油燉菜
平日太忙，回到家中想簡單快煮，一煲過有魚有菜有薯仔，已經十分飽肚，或可加配白飯，甚至加芝士焗亦可。素食者可以改用蔬菜高湯，或是豆乳代替雞湯，自行配搭。
材料(2-3人份)：
三文魚柳 250g切粒
洋蔥半個切粒
甘筍 1條切片
薯仔1至2個切件
西蘭花 1個
雞湯 200ml
牛奶 400ml
鹽、黑胡椒碎 適量
麵糊材料：
低筋麵粉 1.5湯匙
牛油 1.5湯匙
做法：
- 處理食材：薯仔切件，浸水15分鐘除去澱粉質；西蘭花放入滾水煮熟，瀝乾水備用。
- 三文魚粒用廚房紙印乾水份，灑上鹽和黑胡椒碎；下油開鍋，煎至表面焦香，盛起備用。
- 同一個鍋加入洋蔥粒炒至半透明，加入薯仔和甘筍炒香；倒入雞湯，煮沸後合蓋小火煮15分鐘，加入鮮奶小火加熱。
- 製作麵糊：煮溶牛油/微波爐熱溶牛油，加入麵粉攪拌均勻。
- 逐少加入麵糊，中火煮至理想濃稠度；加入三文魚、薯仔和甘筍，灑上鹽、黑胡椒碎調味即成。
鑄鐵鍋食譜8. 沙薑雞煲
香噴噴的煲仔菜，發現沙薑味道同雞肉好配，想起可以做沙薑雞煲。今次無用沙薑粉，用新鮮沙薑，味道層次更豐富。坊間做法多數用鹽焗雞粉醃雞，入味又上色，不過見到成份有增味劑同味精，其實用新鮮沙薑醃，再用薑黃粉上色都有同樣效果，想顏色再靚啲，建議用三黃雞/黃雞。做法很簡單，雞醃好再炒香，鋪上薑蔥蒜焗熟就大功告成。鋪平受熱會平均，這做法令雞肉唔會煮到過熟，皮爽肉嫩。
材料：
雞 半隻
沙薑 40g去皮切件
蒜頭 6粒
乾蔥 6粒切半
紹興花雕酒 2茶匙
蔥、芫茜 適量
醃料：
沙薑 40g去皮切碎
生抽 2茶匙
蠔油 1茶匙
紹興花雕酒 2茶匙
薑黃粉 半茶匙
蔥 1棵切段
花椒油 1茶匙
生油 2茶匙
生粉 1茶匙
*沙薑份量 = 已去皮重量
做法：
- 雞件用鹽水浸15分鐘去除血污和雪味，抹乾水份，用醃料醃1小時。
- 下油開鍋，爆香沙薑、蒜粒、乾蔥和蔥白，放入雞件炒至表面變熟，盛起備用。
- 將沙薑、蒜粒、乾蔥和蔥白鋪平，放上蔥段，加入雞件排好（此做法避免雞肉痴底）。
- 灒入紹興花雕酒，大火煮沸後合蓋小火煮10分鐘。
- 加入鹽、胡椒粉調味，灑上蔥花/芫茜即成。
鑄鐵鍋食譜9. 薑蔥焗膏蟹煎腸粉
這食譜靈感源自餐廳合時小廚，一食難忘，所以自家儘管一試。今次用了海膏蟹，多膏又厚肉；煎腸粉一定要煎到脆面，外脆內軟吸收蟹膏蟹肉的鮮甜味，再加薑蔥汁，超惹味！
材料(2-3人份）：
膏蟹/肉蟹 1隻
白腸粉 6-8條切段
雞湯 200ml
薑 6片
紅蔥頭 2粒切件
蒜頭 6瓣
蔥 2棵
紹興花雕酒 1茶匙
生粉 適量
芫茜/紅尖椒(可省略)
調味料：
蠔油 1湯匙
老抽 1茶匙
魚露 半茶匙
砂糖 半茶匙
胡椒粉 適量
無鹽牛油 1茶匙(可省略)
做法：
- 煎腸粉：下油開鍋，放入腸粉煎至兩邊焦脆。
- 處理膏蟹：反轉膏蟹，用刀刺入蟹心，剪走蟹奄；揭開蟹蓋，清除蟹鰓蟹心蟹胃，將蟹身一分為二；用牙刷清潔蟹殻，蟹鉗用刀背拍裂。
- 蟹件用廚房紙印乾水份，灑上胡椒粉，拍上生粉(尤其蟹膏部份)。
- 大鍋下油大火燒熱，蟹膏先向下，用半煎炸方式煎封蟹件，煮至蟹殼變紅色半熟，立即盛起。
- 同一個鍋倒走多餘油份，放入薑片、蔥白、乾蔥和蒜粒，炒香後放入蟹件；灒入紹興花雕酒，倒入熱雞湯、調味料和蔥段，煮滾後合蓋煮約2分鐘，將蟹件翻面再煮2分鐘，如醬汁不夠濃稠可加生粉水。
- 加入腸粉和額外蔥段，中火炒勻即成。
圖文授權：IG@kiuu922