最近不少新的遊樂公園開幕，繼早前的深水埗公園共融兒童遊樂場後，觀塘的新公園都開放俾小朋友放電了！Blogger My Little Wan Pig 分享了 觀塘市中心臨時遊樂場 的遊樂資訊，原來呢個坐落觀塘市中心計劃嘅臨時遊樂場，其實係有待開展工程嘅重建地盤。為咗善用土地資源，俾多啲空間市民享用，市建局決定設計同打造一個兒童遊樂場同籃球運動空間出嚟，等大家可以大玩特玩！唔只呀，嚟緊觀塘市中心計劃位置，仲會有個可以舉行唔同活動嘅「自由空間」！
Blogger My Little Wan Pig 帶埋囝囝嚟觀塘市中心臨時遊樂場試玩，其實觀塘好耐都未試過有咁大個遊樂場，最吸睛的就是幾層高的玩樂塔，裏面滿佈繩網陣，啱晒啲鍾意捐窿捐罅的小朋友，除此之外，滑梯都有幾條，分成不同難度，最高的有兩層樓高，另外還有適合年幼小朋友都小滑梯！當然唔少得仲有其他遊樂設施啦！
Blogger My Little Wan Pig 提醒各位小朋友要小心啲地面，因為小朋友跑時跌親，地面既顏色令人有錯覺，有啲高低位要小心，真係唔好跑，不過都明白好難叫小朋友唔好跑嘅⋯⋯但呢度地方夠大，都可以玩到半小時以上！同埋提提大家，呢度唔係開放到好夜，晚上6點就會關門。除咗遊樂場之外，另一邊仲有三人籃球場，啱晒愛好籃球家長同小朋友一齊親子球賽！
【觀塘市中心臨時遊樂場】
- 地點：觀塘市中心
- 交通建議：港鐵觀塘站C3出口步行約1分鐘
- 開放時間：10 am – 6 pm
圖文授權：My Little Wan Pig