今個星期雪梨B考完試可以休息下，雪梨媽就想同雪梨B上山行下，感受下大自然，遠離一下城市繁華，亦都隔絕一下電子產品對我們的騷擾。雪梨B無行幾個星期都難免怕攰，出發前都有點不情願，當然最後都出發了。
今次要去行的山是位於大埔至粉嶺的大刀屻。由粉嶺蓬瀛仙館出發，行經整條蝴蝶山徑，最後由大埔嘉道理農場下山。沿途主要為山景，但勝在最近氣温涼爽，整段路程都有風吹過面，十分舒服。
雪梨B由早上11點由蝴蝶山行山徑出發上北大刀屻，越過大刀屻最後再由大刀屻落嘉道理農場。其中最高點為大刀屻的高程點，高度有566米。雪梨B都好像無行過這樣高的山，難免都會有些累。
接近大刀屻最高峰時，可望到大埔附近好多山峰加上高海拔的雲海，景色無比壯麗。
行到去嘉道理農場附近已經係下午3點，雪梨B同雪梨媽都非常餓。所以結束一個上午的行山之旅，回到市區食飯。
蝴蝶山徑資訊懶人包
難度：
三粒星星（五粒星星最高）
適合年齡：
六歲或以上
交通工具：
由粉嶺出發：粉嶺站Ｂ出口，利用行人隧道穿過百和路，循右路上地面，前行見到蝴蝶山徑大水牌入口
由嘉道理農場出發：64K巴士於嘉道理農場站下車
附近景點：
石崗機場、箕勒仔、蓬瀛仙館
附近美食：
魚眾不同酸菜魚(粉嶺百和路88號花都廣場)：青花椒酸菜鯛魚、麻辣濃湯墨魚片
馬六(粉嶺粉嶺車站路18號粉嶺名都廣場2樓)：餐蛋多士、吉烈魚柳歐陸早餐、茶燻鴨
越北牛肉粉專門店(粉嶺粉嶺車站路18號粉嶺名都廣場2樓)：蒜蓉牛油雞翼、綜合牛肉湯檬河、順化湯河
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【親子好去處】