就嚟過年啦，大家會唔會出國旅行呢？不過留係香港過年一樣好多嘢玩！今次 Blogger 初初媽媽 ChochoMama 推介親子staycation套票：天際萬豪酒店，包一晩客房住宿、「兒童職業探索日營」、HK$500酒店餐飲消費額、自助早餐、免費恆溫泳池游水、提早至上午11時入住及延遲退房至下午3時，仲有讚好抵玩！
天際萬豪酒店就喺機場隔離，鍾意睇飛機嘅小朋友一定興奮，酒店有免費接駁巴士5分鐘到機場，10分鐘到東涌站，非常方便！喺酒店過條馬路就係11 SKIES ，6樓/7樓有2個遊樂場玩 – Chill Kids Club/Sky play park~超大勁放電！或者去東涌坐纜車、遊覽大佛、東薈城名店倉勁多餐廳店舖shopping，好休閒帶小朋友方便又放電，非常推介親子兩日一夜！
介紹一下間客房，媽媽大讚雙床房好闊落，雙人床夠大好好瞓！景觀可以望到飛機飛過，可以加BB床，有浴缸可以玩水，提供兒童牙刷、拖鞋等～套票包咗$500消費額，媽媽就用嚟叫咗Room Dining~肉醬意粉、漢堡薯條、芝士蛋糕 超快送餐10分鐘內就到，仲大大碟熱辣辣，好有水準！全部都好好食呀！
自助早餐款式都幾多選擇，味道都唔錯喎 中西都有，粥粉麵、點心、滑蛋奄列、麵包、沙律乳酪、超多款水果、果汁飲品等⋯好多都啱小朋友食！最愛pancake、格仔餅 非常滿足～有BB凳、兒童餐具提供～
翌日的重點 係「兒童職業探索日營」，有半日營/全日營選擇，小朋友自己係酒店參加活動，不過家長不可陪同架，放低俾導師就走得，係咪好正呢？媽媽可以返上房繼續瞓，跟住出去食午餐再shopping～
小朋友都好多節目㗎！今次媽媽選咗全日營，包埋兒童午餐便當盒，聽哥哥講用日式便當盒裝住好靚喎，白汁意粉/蕃茄飯，有甜品水果，哥哥話好好食呀！佢哋今次有得扮飛機師、護士、特警隊，睇返時間表另外仲有消防員、記者、救護員、醫生、空中服務員等角色扮演。
而特別加推 農曆新年嘅限定節目 有新春STEAM工作坊、小廚師製作賀年美點（朱古力角仔，放學嘅時候拎出嚟俾我食，好好食喎 ）同埋體驗傳統小舞獅添 小獅頭可以拎返屋企慢慢玩！活動真係超豐富精彩，主辦單位有攝影師幫小朋友影相嘅，夠3歲可以參加啦！
【童夢成真·新春住宿計劃】
- 入住日期：2月3-5， 11-15，17-19日
- 價錢：每晚HK$1,900*起 (包半日班) / 每晚HK$2,300*起 (包全日班)
天際萬豪酒店住宿計劃包括：
- 一晩客房住宿
- 一名小童參加兒童職業探索體驗班（由童夢城通識學院舉辦）
- HK$500酒店餐飲消費額及自助早餐（兩位成人 + 一位小童）
- 提早至上午11時入住及延遲退房至下午3時
- 免費酒店泊車位1個
*另收加一服務費
^必須提前4天預訂
圖文授權：初初媽媽 ChochoMama