雞翼食譜｜每日頭痛煮咩好？！雞翼可謂是日常餐桌上最受歡迎的食材，百搭之餘煮法又多變，無論是煎、炸、烤焗，或是近年流行的氣炸方式，同樣可烹調出各種色香味菜式。只要預早一天把雞翼醃製，便可隨時烹調，即使是入廚新手，也可輕易駕馭！
雞翼食譜1：檸檬蒜香烤雞翼（氣炸鍋版）
酸甜醒胃的檸檬蒜香烤雞翼，大小朋友也喜歡，送飯一流！
材料：雞翼10隻、檸檬1個、蒜頭5瓣
醃料：紹酒 1湯匙、生抽 2湯匙、老抽 1湯匙、蠔油 1湯匙、蜜糖 2湯匙、黑椒少許
做法：
- 雞翼浸鹽水去雪味；蒜頭切片
- 然後雞翼放入醃料，加入蒜片和1/2湯匙檸檬汁，拌勻醃2小時
- 其餘檸檬切片舖到焗盤底部，雞翼放到檸檬片上，加入醃料中的蒜片，氣炸鍋180度焗14分鐘，完成。
雞翼食譜2：咸蛋黃金雞翼（煎+炒版）
這味咸蛋黃金雞翼，出街食閒閒地要$80以上，雖然邪惡，但偶爾食吓滿足口腹之慾，也不錯吧！
材料：雞翼10隻、咸蛋黃 4個
醃料：紹酒1湯匙、生抽1湯匙、蠔油1湯匙、糖1/2湯匙、胡椒粉少許、生粉1湯匙、蒜蓉1湯匙
做法：
- 雞翼與醃料拌勻，醃20分鐘；咸蛋黃蒸8分鐘，然後用叉壓碎
- 雞翼加少許生粉，煎至熟透表面金黃色，取出待用
- 加入咸蛋黃碎，小火炒至起泡，加入雞翼炒勻，完成。
雞翼食譜3：黑椒蜜糖雞翼（氣炸鍋版）
黑椒和蜜糖都是家中必備的調味，只需簡單醃好雞翼，無論是氣炸、煎、焗也可以，方便極致。
材料：雞翼8隻
醃料：紹酒1湯匙、生抽1湯匙、蠔油1湯匙、老抽1湯匙、蜂蜜2湯匙、黑胡椒碎1湯匙、麻油 1湯匙
做法：
- 雞翼浸鹽水解凍去雪味，然後與醃料拌勻，醃30分鐘以上，留起醃料
- 雞翼放入氣炸鍋180度烤 8 分鐘，再次塗上醃料，繼續烤 8 分鐘，完成
雞翼食譜4：咖哩烤雞翼（氣炸鍋版）
可以早一晚醃定先（調味減少少），第二日放工就咩都唔使準備了，放入氣炸鍋之後，其實加唔加咖哩粉都得！隨意就好。
材料：雞翼 8隻
醃料：紹酒1湯匙、生抽1/2湯匙、蠔油1湯匙、咖哩粉1湯匙、五香粉1/2湯匙、胡椒粉、糖少許
做法：
- 雞翼與醃料拌勻，醃30分鐘以上
- 雞翼放入氣炸鍋，兩面再沾上少許咖哩粉，噴油，180度焗8分鐘，翻面再焗8分鐘，完成。
雞翼食譜5：土匪雞翼（氣炸鍋版）
土匪雞翼同咖哩烤雞翼的做法一樣，都只係需要醃完拎去氣炸，仲可以早一晚醃定先（調味減少少），第二日放工就咩都唔使準備了。
材料：雞翼 8隻
醃料：
(A) 紹酒 1湯匙、孜然粉 1湯匙、五香粉 1湯匙、生抽 1湯匙、蠔油 1湯匙、糖 1茶匙、胡椒粉 少許、鹽 少許、麻油 適量
(B) 孜然粉、芝麻粒
做法：
- 雞翼與醃料(A)拌勻，醃30分鐘以上
- 雞翼放入氣炸鍋，兩面灑上醃料(B)，180度焗8分鐘，翻面再焗8分鐘，完成。
雞翼食譜6：名古屋雞翼（氣炸鍋版）
日本style嘅雞翼菜式，真係要用返日本雞翼整先似樣！日本雞通常油脂少、肉質結實，炸起嚟特別爽脆！
材料：
雞翼（連雞翼尖） 6隻、白芝麻 隨意、炸粉比例：1/2 生粉，1/2 麵粉
醬汁：
日本醬油 2湯匙、味醂 3湯匙、清酒 1湯匙、糖 1湯匙、醋 1茶匙、蒜蓉 少許、水 1湯匙
做法：
1. 雞翼用少許鹽、黑椒醃 15 分鐘，整隻沾上生粉，放入氣炸鍋噴油，用 180 度炸 15分鐘，中途翻一次面，翻面時再次噴油
2. 醬汁加熱至變得濃稠，有需要可加入生粉水。
3. 雞翼炸好後均勻沾上醬汁，灑上芝麻，完成。
雞翼食譜7：南乳炸雞翼（氣炸鍋版）
南乳雞翼通常要去舊式茶餐廳先有得食，但其實自己喺屋企整都係好簡單！無氣炸鍋則建議用油炸，或半煎炸，焗爐就唔建議了！因為焗爐實在比較難做到炸嘅效果！
材料：
雞翼 10隻、炸雞粉/生粉
醃料：
南乳 2湯匙、蠔油 1湯匙、紹酒 1湯匙、生抽 1湯匙、糖 1湯匙、胡椒粉 少許
做法：
1. 雞翼浸鹽水解凍，可以去雪味，然後與醃料拌勻，醃 30 分鐘
2. 雞翼抹走過多醃料，拍上一層炸雞粉（濃味）/生粉（淡味），等待回潮
3. 雞翼放入氣炸鍋，噴油，180度炸 8 分鐘，翻面，噴油，再炸 8 分鐘，完成。
圖、文授權 : IG@kiki.is.cooking
想尋找更多煮食新意請看【自煮料理】