聽到科學園，你會諗起啲咩？其實科學園除咗係好多科創公司既辨公地點，亦好適合一家大細去參觀遊覽。
今次雪梨媽就同雪梨B一齊由大埔海濱公園踩單車出發，沿住吐露港單車徑一直踩，同時可以欣賞埋吐露港既景色，話咁快就到科學園外的白石角海濱長廊。
海濱長廊絃約兩公里，無論係踩單車定係吹住海風散下步都非常舒適自在。唔想踩單車都可以自駕或乘公共交通工具前往。
入到科學園，最搶眼既一定係位於中心既著名地標：金蛋。雪梨B見到都嘩咗聲問我佢係咩黎。金蛋其實係以諾貝爾物理學獎得主，「光纖之父」高錕而命名的會議中心，以表揚佢既才華及貢獻。金蛋旁邊就已經係一個超級大既人工湖，湖邊仲種滿咗綠植，可以搵間cafe坐底飲杯咖啡享受下悠閒既時光。
雪梨必然帶埋遙控車去玩啦，咁科學園，小朋友唔知點解咁鍾意落微雨，個地下濕濕地，遙控車經過水氹，又可以見到遙控車的車呔痕跡，雪梨B就會有莫名其妙的興奮！傻傻的⋯⋯哦！
其實這個地方都好好，落雨又可以喺室內有冷氣開放，加上新落成果幾期科學園，有一些特色的餐廳及中菜酒樓，食物質素很有水準，性價比很高， 考完試不妨一試！
雪梨B仲幫襯咗自助智能雪糕機：顧客首先在屏幕選取味道，例如熱情果味、扭紋味、開心果味的軟雪糕，若想增加味覺的享受，也可以加入配料，例如朱古力餅乾碎、彩糖、朱古力屑、朱古力漿、焦糖漿、紅莓漿等，透過拍八達通卡方便付款，機械臂便會自動製造雪糕及添加配料，送遞到窗口給顧客。
科學園資訊懶人包：
交通：
港鐵大學站及港鐵大圍站乘免費穿梭巴士 (星期一至日)
港鐵九龍塘站及港鐵金鐘站乘免費穿梭巴士(只限星期六、日)
巴士272K在香港科學園站落車
小巴27號在香港科學園(10W)落車
附近美食：
CHIMAC(香港科學園一期企業廣場地下) : 芝士排骨鍋、魚糕串、泡菜海鮮豬肉鍋
Hunky Dory(香港科學園科技大道西19號2樓) : 牛肉漢堡、炸魚薯條、蘋果批
FARM(科技大道西10號浚湖樓地下) : 山寨叉燒、烈焰菠蘿炒飯、熊仔芝士蛋糕
附近景點：
沙田公園 – 行完博物館想散下步，都可以行下公園，有單車徑和小瀑布
城市藝坊 – 沙田大會堂外的一個公共廣場，擺放了各樣世界級的藝術品
科學園官網，按此
__________________________
撰文：雪梨媽 （Facebook : 雪梨家族吃喝玩樂Fun ）
想知更多好去處，請按【Mame好去處】