今次介紹的深圳親子遊好去處，是位於龍崗區的 甘坑客家古鎮 ，Blogger「My Little Wan Pig」形容這個地方是一個古色古香的小鎮，除了有很多親子配套外，小鎮四處都是打卡位，非常適合一家大細遊玩！
媽媽指， 甘坑客家古鎮 內有很多小朋友玩意，包括飛雪樂園、「V谷樂園」VR體驗、顛倒博物館、卡丁車、農場及親子商店等：「我們駕駛了卡丁車，在賽道上極速奔馳好過癮，小朋友玩咗2次好開心！參觀農場有親子套票，$99一大一小入場，包括有親子手作體驗及小朋友樂園。」
甘坑客家古鎮 內亦有很多特色小食，包括串燒、雙皮奶、砵仔糕、客家菜、各樣豆腐等，街道兩旁亦有很多林林總總的餐廳：「有好多客家小菜選擇，宵夜又有茶飲店，搵食大把選擇！仲有24小時營業超市，夜晚唔怕肚餓。」
而酒店方面，他們這次入住南香樓藝術酒店的「親子大床房」，媽媽形容是超抵住：「房間都算幾大，小朋友入住超開心！房間包埋玩具、小木馬、軟積木同露營帳蓬，隔音好好，聽唔到隔籬有聲音。浴室好乾淨、光猛，仲有包埋三人牙膏牙刷連埋小朋友用具，拖鞋都包埋，物品好齊全，淋浴乳都有！」
「大床係1.8米闊，可以同埋小朋友一齊瞓。由於係親子房，床套係有公仔圖案，小朋友超滿足呀！房間超多空間，小朋友check in後就係帳蓬入面玩。不過由於酒店周圍多樹木，偶爾會有蚊，但整體房間我地係滿意的。」
「房價仲包埋早餐，早餐就在旁邊鳳凰客家餐廳用膳，是自助餐形式，選擇雖不多但質素好，不錯的親子酒店！小鎮打卡位超多，夜晚又是另外一番景象，夜景跟清晨都十分美，亮了燈的古鎮更具中國色彩，街燈下拍照更美，不妨考慮假期帶小朋友到來享受一下！」
詳細行程可以參考以下影片：
甘坑客家古鎮
前往方法：
1. 的士：從羅湖出發，約35-40分鐘車程，車費約人民幣70元
2. 地鐵：從羅湖站出發到甘坑站，約48分鐘車程，出閘後步行約15分鐘
圖文獲「My Little Wan Pig」授權轉載