珠海親子酒店｜聖誕假或周末會不會考慮內地親子遊？最近 Blogger 初初媽媽 ChochoMama 就同小朋友去咗珠海五星級的親子酒店——珠海創新方，橫琴凱悅酒店，九龍直通巴90分鐘車程直達門口，兩大兩小入住，包早餐同一個樂園門票， 2日1夜人均$2xx咋！大家不妨參考吓啦！
今次一家人入住珠海橫琴凱悅酒店嘅40㎡客房，好新淨，房間闊落好舒適，而且仲係木地板，感覺乾淨！燈光夠光猛！景觀非常開陽一望無際！床褥好舒服無異味，有大浴缸小朋友可以玩水，另可加BB床、提供兒童牙刷、拖鞋、浴袍、企凳等～窗簾係全遮光，天光都唔知呀！非常適合親子！
另外酒店設有太空親子房非常唔錯，如果一家大細加埋長老去仲有連通套房，真係好方便！泳池原來有室內暖溫池、BB玩水池，冬天都可以游水。另外仲有悅趣營室內遊戲室，有攀爬繩網同小遊戲玩，出戶外仲有個公園兩層遊樂設施，哥哥同妹妹玩到唔肯走呢！酒店可以upgrade嘉賓軒禮遇，全日無限享用小食及飲品。
入住個晚自費自助晚餐，自助餐未滿六歲免費，帶埋小朋友勁抵食！海鮮新鮮、食物種類好多！特別有煲仔飯、炭燒蠔、炭火串燒、鮑魚等⋯甜品精緻又好味：格仔餅、芝士蛋糕、葡撻、雪糕、水果等⋯食物質素真係非常高質～粥粉麵飯乜都有，仲包無限暢飲！
另外，今次買的套票包咗自助早餐，非常之多嘢食選擇！奄列、手拉腸粉、雞蛋薄餅、窩夫pancake⋯而且味道非常啱口味，小朋友都話好食呀！
不只早餐自助餐非常高質，酒店地點仲超方便，酒店樓下直通商場，小朋友可以大玩3個遊樂場，包括歴奇探險探索、超逼真刺激VR、大型彈跳迷宮、人肉夾夾機 真係勁好玩放電呀！連囝囝大讚：「我覺得好開心呀，呢度樣樣嘢都好好玩，全部嘢都好好食，我下次要再嚟過呀！」商場仲有大量嘅公仔機，聖誕假期玩個夠本啦！
媽媽表示呢度地點方便～環境舒適休閒！最重要人流唔多，非常適合新手/初次返去玩嘅朋友仔！
交通： 乘坐環島中港通直通巴，由太子上海街出發，只需90分鐘車程，連埋過香港同大陸關口嘅時間，全程都係兩小時～9點上車11點就到創新方門口，非常快捷！另設有圓方同尖沙咀新港城上車，不足3歲及以下孩童不佔座不收費，車票喺創新方官網/環島中港通官網有售。
圖文授權：初初媽媽 ChochoMama