想浸溫泉可以近近地去「珠海御溫泉渡假村」，啱晒一家大細！Blogger「Lazy Li’s｜你是•李氏」分享一家人4大1小聖誕節去「珠海御溫泉渡假村」的體驗，大家不妨參考一下！
媽媽表示酒店穿梭巴士會由關口接送到酒店大堂等候check in，等候嘅時候可以享用雪糕、蛋糕、飲品等，任飲任食，囝囝就去咗餵兔仔，聽人彈古箏，等候Check In！
今次入住「天泉2號連私人風呂」房型，被upgrade咗去超級VIP房，超級幸運！天泉2號係超級大嘅兩層和風設計客房，上下樓層，各有一個私人風呂，可以俾大家可以有私隱咁浸浴，呢度設計古色古香，連升降機都仿製成一座轎。
由於3點鐘先有房，等候時間就四圍玩吓遊戲，度假村已有餵食兔仔 馬仔、飛鏢、足球機、拋波波機、康樂棋等娛樂項目⋯當然係以下幾個主打：
飲食券 + 遊戲劵
飲食券可以換野食、野飲，而遊戲劵可以大街攤位遊戲，好有風味，一家人着住酒店嘅御服參加園遊會～大人小朋友都玩得好開心，好似去左嘉年華咁，最後d遊戲劵仲可以拎去換小禮物，小朋友收獲豐富！
煙花
玩完攤位遊戲之後我地就去放煙花：仙女棒⋯超近距離見到煙火，小朋友玩得超開心！
御服 + 踩單車
由於套票包太多嘢，所以媽媽表示第一日冇時間去踩單車，check out好之後仲用御服換領券，同單車券踩家庭單車環繞成個度假村，懷舊風味，有啲路上上落落都幾刺激㗎 期間仲有去到呢個火車站，上去影相，好開心！
泰式按摩
玩到旅程尾聲攰攰哋就去按摩，套票包90分鐘泰式按摩，真係泰國人按摩，舒服到瞓着咗，所以一定要買包按摩嘅套票，舒服完先返香港！
浸溫泉
呢個度假村嘅公眾溫泉只需買溫泉套票便可入嚟享用，但因為房內已經有私人風呂，所以就冇去試公眾溫泉，媽媽聽講都有好多個大嘅浴池，一家大小玩到第二日夜晚六點先走，滿滿足足嘅兩日都唔夠喉，想下次再來！
圖文授權：Lazy Li’s｜你是•李氏