周末親子遊推介！今次「劍橋爸 – 育兒成長Fun享」推介的大灣區親子好去處位於珠海其中一個大型商場上蓋，shopping食嘢同埋娛樂全部都可以喺裏面嘆住冷氣搞掂！這裏由港珠澳大橋珠海口岸過左關後只需自駕約二十分鐘便可到達，不論自駕定係滴滴打車都非常方便！
「劍橋爸」一家四口今次入住的是珠海中海萬麗酒店的「糖果飛屋」主題房。房間裏面有齊小朋友的配套，好似專用拖鞋、牙刷、沐浴露，甚至是專用廁所板及沖涼盆等等，非常貼心！最特別的要算是房間裏面的「糖果屋」，十分適合兩歲以下的小朋友用來休息之用！
另外，酒店設施齊備，有齊健身室、室內泳池及兒童遊戲室等等。不過大家記得國內規定入泳池是必須配戴泳帽的，如果唔想喺門口俾成三十幾蚊人仔買的話記得自備或者喺美團買左（酒店門口有美團外賣自取櫃）先好去游水呀！
早餐方面，食物種類都算多，中西式選擇都有，比較有特色的要算是即製廣東腸粉。不過這裏食物味道真係好一般，例如雲呑麵好重鹼水味之餘雲吞裏面是沒有蝦的，整體來說「劍橋爸」認為slightly below五星級酒店標準。不過，只係一千蚊港紙左右呢個價錢一晚，重要包埋早餐又真係唔可以要求太高，叫做可以接受啦。
珠海珠海中海萬麗酒店
- 詳情：按此
圖文授權：劍橋爸 – 育兒成長Fun享