想去深圳度假，不妨參考下 Blogger 悅．熹．遊 的分享！最近 悅．熹．遊 版主媽媽生日，老公就為她安排咗一個weekend Getaway，預訂咗一間深圳超絕海景，靚到仲以為自己去咗泰國！
秘野·深圳鎌倉迷境礁石海景酒店 位於深圳大鵬，距離蓮塘口岸大約35分鐘車程，雖然比較偏遠，但係就啱晒佢哋一家！住宿方面，係上次聖藍白美宿 蜜悅 You and me 集團出品，所以係一間好多打卡位嘅酒店，服務同清潔度都非常好，但附近就冇乜太多嘢行，不過要嚟避世，都係輕輕鬆鬆chill 下！
套票價錢包早餐、下午茶、晚上嘅糖水、以及20分鐘攝影美拍服務（不過啲相就麻麻地） 大家都係欣賞吓爸爸嘅作品好了。
同上次一樣，佢每間房價錢唔同、亦都有唔同嘅特色，大家可以住自己嘅喜好揀唔同嘅房間。悅．熹．遊 一家今次住嘅係B幢，間房係包咗一個室內嘅浸浴池，而且非常寬敞，當張梳化床都綽綽有餘！
最後一家人仲食埋午餐先離開，午餐雖然選擇唔太多，但係都幾高質 最重要係望住過海，食都食得好開心！
從酒店幾分鐘就去到官湖沙灘，個沙灘嘅沙都幾優質 (內地嚟講算高質） 不過今次佢哋就留咗喺酒店用佢嘅泳池，雖然唔係太大，不過打卡都一流！
秘野·深圳鎌倉迷境礁石海景酒店
預訂：按此
圖文授權：悅．熹．遊