新年前想去個小旅行？ 初初媽媽 ChochoMama 今次為大家推介一個兩日一夜的5星酒店親子行程！由九龍出發只需18分鐘車程，車站步行3分鐘直達酒店，酒店樓下就係商場，有多間食肆、茶飲店、夾公仔機、便利店等⋯商場連接地鐵站，搭幾個站玩埋野生動物園，超方便！
兩日一夜親子行程推介：
Day1: 高鐵到深圳北〉深圳野生動物園〉入住深圳深鐵鉑爾曼酒店〉樓下東廣場食嘢
Day2:酒店自助早餐〉返房hea到12點退房〉樓下東廣場食嘢〉深圳北中心公園（步行約15分鐘到達，—有繩網、超長滑梯、大沙池）
今次為大家介紹的五星級酒店——深圳深鐵鉑爾曼酒店，喺2022全新開幕，好新淨！網站有多款唔同套票，今次媽媽就選咗入住豪華雙床房，2大2小一晚$9xx起，性價比超高！房間位於52樓視野超廣闊 ，客房46平方米空間感十足，有浴缸，浴室廁所乾濕分離，床褥軟硬適中好好瞓，可以免費加BB床～浴室有兒童牙刷、洗手凳仔提供！另設有親子主題套房，適合親子入住。
媽媽選擇的套票包2人自助早餐，酒店仲升級小朋友免費食，早餐款式都多選擇，味道都唔錯！推介佢嘅酥皮包好食！
深圳野生動物園
兩日一夜行程一家四口去咗野生動物園玩，酒店搭的士只需20分鐘車程，動物園$99入場票，小朋友120 cm以下免費。動物園內可以餵老虎、餵豬仔飲奶、騎駱駝、騎馬仔、餵雀仔，兩個小朋友玩得好開心。
仲有個馬戲表演都好精彩～另外仲玩咗個小朋友卡丁車，坐咗幾轉小火車，就咁玩咗六個半鐘！
其實呢度好大！園內仲有機動遊樂場，旋轉木馬、海盜船、碰碰車嗰啲，仲有冰雪世界、恐龍世界、越野車體驗⋯太多嘢玩，我哋都玩唔晒！
圖文授權：初初媽媽 ChochoMama