近近地深圳親子遊，都可以一次過滿足玩雪、餵動物、玩大型playhouse嘅願望！Blogger Chloe MaMa & Lady Candice 今次分享了玩樂同住宿較集中嘅地方，酒店位置方便又企理，喺正大型商場及玩樂設施附近！附近仲有觀瀾湖新城、卡魯冰雪世界同埋反彈蹦床公園，一次過滿足晒小朋友的欲望！
今次Chloe MaMa入住了深圳硬石酒店，乘搭港鐵到落馬洲往福田口岸，再轉乘深圳地鐵4號線，在「觀瀾湖站」下車（D出口步行約5分鐘即可到達），酒店係一出地鐡站就到~只需5分鐘路程，間房好大，有雙人大床，仲有大型圓形浴缸，望住山景浸浴一流！酒店頂樓仲有個天台戶外泳池，夏天黎玩順個玩下水都唔錯，仲要大型Shopping Mall喺正對面，超多野玩同野食，有卡丁車、騎馬，不過因為今次主要目的係玩雪，所以就無去到對面的Shopping Mall玩。
之後就嚟到卡魯冰雪世界！場地雖然唔係話好大，但都好夠玩，有滑梯、滑車、水泡，囡囡Candice玩水泡玩到上哂癮，不斷自己拖水泡再去玩。
玩完仲去左園內的萌寵公社餵下動物，雖然場地好細不過小朋友有得餵下羊仔、兔仔都好開心！
反彈蹦床公園
反彈蹦床公園位於觀瀾湖新城購物中心，係一個大型Playhouse！裏面真係好大，有彈床區、攀岩區、大型滑梯、吹氣城堡、灌籃彈床區、波波池…..小朋友全日全日任玩都係$200/位左右！
宜家有個套票都幾抵2大1小酒店房+早餐+2小時玩雪
購票網站：https://s.klook.com/c/Zyz0pjn0wP （想玩雪的話可選「卡魯狂歡冰雪套餐」那款）
行程介紹：
1. 深圳硬石酒店 地址：高爾夫大道9號
2. 觀瀾湖新城 地址：深圳市龍華區高爾夫大道8號
3. 卡魯冰雪世界( 位於觀瀾湖生態運動公社內) 地址：深圳市龍華區高爾夫大道1號
4. 反彈蹦床公園 地址：深圳市龍華區高爾夫大道8號觀瀾湖新城購物中心A棟2a座L301
即睇影片：