暑假話咁快就完，但又可以趁周末同小朋友去兩日一夜小旅行！今次Blogger 豬仔包の開心日常 為大家介紹一間深圳性價比高酒店：如家旗下UP華驛智旅酒店 （深圳北站壹城中心店），地點方便之餘，價錢仲好平！一齊睇睇有幾吸引啦！
呢間酒店正正就喺壹方天地商場E區嘅山姆對面，真係掃完貨過條馬路就到，非常方便！
房型方面，媽媽同豬仔包㨂咗星空情侶房，因為豬仔包鍾意浸浴同有星空嘅房 ，房內嘅浴缸非常吸睛，夠晒大，俾小朋友玩水一流！
由於豬仔包媽媽同幾個家庭同行，雖然職員盡力安排全部人喺同一樓層，不過豬仔包堅持要星空房，就唯有分不同層啦，而職員仲非常友善咁提醒豬仔包同媽媽，星空房嘅2樓層冷氣會不及3樓層好，如果冷氣不夠凍，可以安排換房間。
由於朋友仔訂咗行政套房，有張超長梳化，幾個家庭可以全部人一齊玩 ，電視仲可以客廳同房間兩邊轉，真係好正！
價錢方面，普通房只係$2xx，而情侶房、行政套房同Party房等都係$3xx-$5xx，性價比真係好高 ，仲要又平又乾淨，如果大家會去龍華區玩，非常建議入住！
豬仔包媽媽提提大家，如果玩到凌晨 ，商場都閂晒門，所以回酒店就唔可以經商場 ，要兜外圍番去，玩得夜就要留意！
圖文授權：豬仔包の開心日常