深圳親子遊｜Blogger 樂。悠。媽咪 帶咗兩個小朋友去東莞玩2日1夜，媽媽仲大推繽紛親子度假套票，因為性價比真係高！
Blogger 樂。悠。媽咪推介的觀瀾湖繽紛親子度假套餐 CNY¥1680 包飲包食包玩，如果想轉有埋玩樂設施的高級豪華親子家庭房可另加 CNY¥1600，一共 CNY¥3280 一家人玩足2日1夜，非常抵玩！
以往Staycation趕10-11點就要Check Out，呢度12點先Check Out，間房咁樣唔玩多陣點對得住佢呀！ 右面一間兒童樂園，有私人小天地滑梯組合，左面父母房King Size大床，有大浴缸按摩池濕蒸桑拿嘆，大人細路都滿足哂！兩間相連房兩個洗手間兩個露台，個View好遼闊好舒服！日夜景都好正！另外酒店好細心，有齊潔護用品浴袍拖鞋，兩手Fing Fing入住無問題。
房價包埋自助早餐，選擇多味道OK有驚喜！食飽一連串活動正式開波！先去萌寵店同貓咪玩遊戲，再去蹦跳樂園放大電！繩網彈床攀石，年紀細d又可以走轉兒童樂園玩波波池、小滑梯、煮飯仔，唔驚冇野玩至怕你唔玩。
唔落雨的話仲有大泳池玩水，戶外樂園同小動物餵飼區，有鵝/ 豬仔/ 龜龜/ 魚啊，樂樂好期待，可惜落雨，唯有等下次啦！
返歸前再玩埋個高質手工班，以為只用紙黏土整小手工，但原來整好後師父會放進焗爐焗好定型，獨一無二的作品就完成啦 小朋友超級鐘意啊～
酒店訂房方法，先到網頁選擇想要的套餐，除咗親子套餐仲有滑雪套餐㗎！
1. 註冊訂房Account
2. 選定想買的套餐劵
3. 付款後致電（852）2826 0288，（86755）2802 0888 轉36988 / 33333 訂房 或電郵 [email protected]。如果選定日期已經無房可改期或申請退款
4. 如果想升級可以先同客服備註，到步後再付款就可以了
5. 房間先到先得，所以大家要快手啦
香港到深圳交通：
– 直接乘地鐵到落馬洲
– 過關後轉4號線地鐵直到深圳觀瀾湖站，記得先開通WeChat深圳易乘碼啊！小朋友未滿6歲免費搭地鐵㗎！小朋友記得到CS買票有半價！
– 首先玩齊深圳項目，深圳運動公社入面勁多野玩，玩雪/機動遊戲/高卡車等（以項目收費），對面觀瀾新城大型商場乜都有得食，再過隔離玩埋手佢佢工藝工場，玩完了到新城門外搭Shuttle到東莞觀瀾湖度假酒店入住，完美！
– 第二日玩埋東莞項目，兩日一夜滿足哂
圖文授權：樂。悠。媽咪