就快農曆新年，又要準備辦年貨啦！有無諗過返大陸辦年貨呢？Blogger 澄兄湜弟 分享了喺深圳天虹購物中心辦年貨的攻略，衣、食、住、行都有齊，仲可以慢慢行，唔洗排隊入場唔洗迫！大家不妨參考一下！
媽媽表示，兒子行天虹超市最開心，因為有好多佢鍾意食嘅賀年食品 ，果仁、曲奇、糖果 等，大大盒好抵買，仲有賀年包裝，送禮都大方得體！例如三隻松鼠禮盒只係 46.8人仔，性價比高。
另外，超市亦有好多款式、唔同大細嘅揮春、褔字、利是封＆新年擺設等，兩兄弟揀咗啲龍圖案嘅掛飾＆龍公仔返屋企佈置。另外超市內仲有最型嘅打卡位 – 超市內揮春陣，一片紅，小朋友去影影相，沾沾褔氣 ～
除咗天虹超市外，一樓仲有煙火市集 ，好多特色小攤檔，各式小食、首飾、玩具等，媽媽鍾意小手工鈎針公仔 ＆懷舊冰糖士多啤梨，提提大家記得喺市集［虹運一條龍］拱門打卡，咁就龍年行運一條龍！
新年梗係唔少得要買新衫，媽媽行咗幾間，推介西町村屋！除咗款式啱之餘，店內仲有張小枱俾兩兄弟玩積木，咁媽媽就可以專心試衫 Shopping ！最後揀咗幾套紅色＆粉紅色嘅衫，準備拜年時著 ～～～
行到攰，商場入面仲有太二、探魚等幾間出名嘅酸菜魚可以選擇，最後再去卡瑪王子買啲包點返香港，肉鬆小方鬆軟又滿肉鬆咸香，好好味 ！
溫馨提示！港人可以去客服免費換皮卡巴拉水豚公仔，好得意架！只要出示回鄉證，簡單登記做會員就可以拎到！
天虹購物中心
地點：地鐵1號線“西鄉”站A出口直達
圖文授權：澄兄湜弟